دام ماعندك هالمصيبه اعتبري انه ماعند مصايب .. الحمدلله

السلام عليكم

محتاره وعيوني تدمع مدري من وين ابدأ لكم ي بنات

الاسبوع اللي راح مثل باقي العوايل عايشين حياتنا بحلوها ومرها ومشاكلها وهمومها البعض يتحلطم والبعض مهموم وكل لاهي بالدنيا

وفجأه احد افراد عايلتنا شباب وعياله صغار مابه ولا شيء لا الم ولا مرض ولاشيء

الكل راح مدارسه ودواماته بأمان وسلام لكن الكل رجع على فجة وصراخ وبكى !!

مات .. موت الفجأه وما ادراكم ما موت الفجأه ااااااااااه يا بنات اه

ليت زوجته ماتقرب لنا عشان ماتصير ضربتين بالراس الا تقرب لنا ونبكي فراقه ونبكي حالها وحال اطفالها ..

كل شي يهون ي بنات الحين بعيني وش يعني زوجك هاوشك وضربك وش يعني اخوك واختك اهانوك وش يعني قدمتي بالسن ولا تزوجتي......الخ
دام الحي موجود تهون كل المصايب ..

نصيحه ي بنات لا تكبرون اي سالفه والله والله دام ماعندك فجعه فأنتم في اكبر نعمه ..دامك ما تبكين على فراق شخص مستحيل يرجع فأنتي بخير ..

خلوا اللي يزعل يزعل واللي يكابر يكابر واللي يحقد براحته كلنا بنروح والله


انه يجيك مثل الكف ويصحيك من الغفله شيء مؤلم

قلبي يعورني وما اقول الا الله يجبرنا في مصيبتنا ويخلفنا خير منها ..

والله لو احكيكم التفاصيل بتبكون بس ما ابي اوجع قلوبكم بس ابيكم تحسون ان مشاكلكم ولاشيء عند مصيبة موت الفجأه

لك الحمد يارب حتى ترضى ولك الحمد اذا رضيت ولك الحمد بعد الرضى