داومت وضاق صدري بنتي حركيه الله يحفظها

السلام عليكم خواتي

لي تقريبا اسبوعين من داومت وبالمناسبه كان في حضانه للاطفال فوديت بنتي معي

الزبده من يومين يقولون لي انها تضرب الاطفال انا تفاجات بصراحه لانها ما عمرها ضربت الاطفال ولا تعض بس يقولون لي كذا ... المهم قلت خليني اروح الحضانه واشوف صحيح شفتها تجرجر في الولد الصغير بس هو خواف وبنتي اذا شافته يخاف تروح وتجرجر فيه زياده ويسمونه ضرب وعض .... وهي انا اشوفها اذا جيت اعطيها الاكل في فمها تحاول تعضني علشان تضحك وتنبسط ويفكرونها تعض .... المهم طنشت بالموضوع وقلت لا هذولا اطفال ولازم يصير كذا

اتفاجا اليوم صاحبة المقصف تقولي ما شفتي بنتك اذبحت الولد وتلعب ومدري وشو شكلها مدلعه جيبي عليها ( قلت لها لا مدلعه ولا شي ولا بس شفتوها لبسها دلع وحركات وقبعات قلتو دلوعه لالالا واذا على الولد لا هي تبي تلعب معه بس هو خواف ويخاف اذا قربت منه والولد هذا مصري وتعرفون انتو عيالهم وعيالنا هم بنعومه زايده وحنا حركيين علينا

المهم رحت الحضانه باخذ بنتي الا تقولي امه شوفي بنتك قولي لها ومدري وشو قلت لها كيف اقولها وهي عمرها سنه وسبع شهور انا افهمها ايه بس تظل طفله
قالت طيب اضربيها .... انا يوم قالت لي كذا خلاص طلعت قروني وقلت وشو اضربها اذا انتي معاملتك لعيالك كذا انا لا وبعدين هي طفله قالت حتى المديره تقول انها جريئه ومدري وشو قلت مين قال المديره انا اتفاهم معها هي خافت بصراحه ..... بس في نفس الوقت قهرتني طيب انا وشو اسوي مع بنتي ؟؟؟؟؟؟؟؟

واقسم لكم بالله انها ما تضرب في البيت ولا تعض ولا شي بس في الحضانه هم اللي خلوها كذا لانها يمسكونها لما تقرب جنبه ولا يعطونها الحريه بالتصرف وبكذا تحاسدهم وبسم الله على بنتي حركيه وتحب اللعب
حتى صاحبة الحضانه قالت انها تضرب بس غلط تضربها ولا تقولها لانها صغيره ما تفهم .. قلت انا لا انا اصلا اقولها بس التعلم مو من يوم وليله وتدرون اني وقت الفسحه اخذها معي علشان اخفف عليهم مالت عليهم
والله اني مضطره اخليها بالحضانه ولا اريح لي بالبيت بس ابي اتعلم

انتو كيف تفهمون عيالكم انهم ما يضربون الاطفال ولالا يفشلونكم ؟؟؟؟

خواتي ساعدوني ولا بنحرم من الدراسه .... والشغاله ما اقدر اجيب الحين ولا عندي احد لا ام ولا اخت كلهم مشغولين

انتظر اراءكم ...... وصدقوني الى الان مو مقتنعه انها تضرب لانها مرحه بنتي ومو عدوانيه بصراحه

باي