السلام عليكم ورحمة الله وبركاته
خواتي هذي اول مشاركة لي بالاطباق الساخنة انشاء الله انها تبيض الوجه
الطبق هو عبارة عن داوود باشا بس بطريقة مختلفة شوي
المقادير
1 1\2 كيلو لحم مفروم
1 ك بقسماط
3 بيضات مخفوقة قليلا
1\3 ك حليب سائل
جبنة مزرلا مبشورة
1 ك بقدونس مفروم
فلفل اسود + ملح +اجينو مونو
...............................
مقادير الصلصة
10 حبات طماط او 4 علب طماط عدل
بصلة متوسطة
4فصوص ثوم
اوريجانو + ريحان
رشة ملح ليمون +ملح + اجنومونو
3م ط زيت زيتون
...............................
الحين نبدا بالجد :09:
1- نسقط الطماط في موية مغلية مدة 10 دقائق بعدين نطلعه ونقشره ونقطعه ونخليه على نار هاديه
لين يذبل ,لاتنشف الموية مجرد انه يلين فقط وبعدين نضربه بالخلاط
2- نخلط الحليب مع فتات الخبز جيدا ونضيفه للحم مع باقي المكونات الاولى ما عدا المزرلا
3- نعمل من اللحم كور ونجوفها ونحشيها بالمزرلا(مثل حشوالكبة) بعدين نسكرها ونخليها على شكل
كور ننصفها في صينيه مدهونة وندخلها للفرن لين تستوي وننتبه لها لا تحترق من تحت
4- الحين نسوي الصلصة .........نقلي البصل بزيت الزيتون لين يذبل ونضيف له الثوم والاوريجانو
ونحط عليه الطماط وكاس ماء مغلي وماننسا نحط ملح واجينو مونو وذرة ملح ليمون ونخليه شوي
يتسبك ويثخن بعدين نسقط فيه كرات اللحم بعد ماطلعناها من الفرن ونرشها بشوي ريحان
ونقدمه مع المكرونة او مع الرز الابيض
وصحتين على قلوبكم
مع تحيات اختكم noreshams :26:
