دايت صحي ينزلك ٤ كيلو بشهر

هلابنات
باختصار اللي تبغى وزنها ينزل بطلي الاكل الغير صحي
وركزي على الاكل الصحي
كلي اللي تبغين وفي الوقت اللي تبغين بس بشكل صحي ( واحذفي السكر والمقليات والشبسات والحلويات وعصاير البقاله والمطاعم )


اطبخي اكلك بالبيت بطريقه صحيه مثلا سوي شوربة شوفان مثل الشوربه اللي تسوينها كالعاده ( لكن احمسي البصل بقليل زيت زيتون واحذفي معجون الطماطم واستبدليه بطماطم مطحون ) وصلت الفكره ؟
مع القهوه لاتحرمين نفسك من الحلى ابحثي عن طرق حلى تصلح للدايت
او كلي تمر مع القهوه
وبالنسبه للكبسه والمكرونه كلي اللي تبغين بدون مبالغه حددي لك صحن مايكون حجمه كبير
واطبخي الكبسه والمكرونه بزيت زيتون قلييييل واحذفي الصلصه والكشنه او الحمسه اللي تكون معه وتكون مليانه زيت
العصيرات اشربيها طازجه في البيت
ولاتخلين بنفسك شي كلي ٥ وجبات باليوم ٣ وجبات رئيسيه و٢ سناك
الشبسات استبدليها بالفشار الابيض سويه في البيت وخليه مثل السناك
السكر استبدليه بسكر ستيفيانا استخدميه للحلى ولمشروباتك او استخدمي العسل اصح لك
كثري الشوربات بنظامك الغذائي
واحذفي المااااااجي نههاائي
الحمدلله اتبعت هالنظام وتابعت حسابات بالانستقرام تعلمك كيف تطبخين وجبات بشكل صحي والحمدلله شفت نتيجه حلووه ❤️ لاني اكره الدايت اللي يكون في حرمااان وتجويع تنقلب نفسيتي واتعب
وترى يابنات مو حلو التجويع والحرمان صح بتنقصين كثيييير لكن ممكن تنتكسين ويدبل وزنك واذا نحفتي بيطلع جسمك موب متناسق لانك تنحفين بشكل سريع وعلى اساس غير صحي


طيب بعطيكم شوي امثله على الوجبات اللي ممكن تتبعونها وركزوو تطبخونها بطريقه صحيه


الفطور
بيض مسلوق او مقلي بزيت زيتون مع شريحة توست ابيض وخيار وطماطم وكوب حليب بالعسل ( او كوفي تسوينه بحليب قليل الدسم وسكر ستيفيانا )
بين الفطور والغدا حبة فاكهه
الغدا
رز ابيض مطبوخ بشوي زيت زيتون وملح مع حمسة دجاج بالخضار او دجاج مشوي
او مكرونه وخضار مسلوقه بمويه وملح وشوي زيت زيتون وتضيفين لها تونه
او شوربة شوفان بالخضار واللحم
او شوربة عدس بالخضار
او صينية دجاج بالخضار


السناك بين الغدا والعشا مثلا فشار ابيض مع عصير برتقال طازج


العشا
زبادي مع قرانولا وتحلينها بالعسل


ومثل ماذكرت لكم عادي تاكلون رز ومكرونه وخبز لكن حاولو انه يكون بكميه اقل والخبز شريحه وحده باليوم كفااايه
دعواتكم لي