دايمآ أحن وتغلبني العاطفه وأعتذرله》حآن الوقت اتغلب على عاطفتي

مشكلتي مع زوجي كل ماتزاعلنا سوآ زعل قوي او تافه انا اللي اعتذر حتى لو هو الغلطان اروح اكلمه واتحايله لين يرضى عاطفتي دايما تغلبني


جا اليوم اللي اخليه هو اللي يعتذر
لان الزعل جرحني ومشاعري بردت
ابغى اعطيه درس قوي
ارجوكم ساعدوني خاصآ ذوات الحكمه ..


مشكلتي كتبتها لكم وانا بالسياره بخط سفر
اللي هي..

كان عندنا فرح خارج المدينه اللي احنا فيها
اتفقنا نروح نحضر الفرح وبعدها نسافر ع جده
المهم بعد ماخلص الفرح نمنا ولما صحينا رتبت الشنط وقلتله ان شالله رايحين ع جده صح؟
قال لا بنرجع بيتنا
حاولت معاه مو راضي
قلتله احنا اتفقنا الله يخليك انا متحمسه قالي خلاص ع بيتنا
المهم اهلي كانوا معاي بنفس الفندق رحتلهم وقال اخوي يمكن نروح الطايف تخاوينا قلت ايوه وفرحت
قلت لزوجي انا ابروح مع اهلي قالي انتي طالق لو رحتي
عصببببت !!
قلتله طيب انا وانت نروح ونفلها قال لا
انا هنا وصلت حدي حتى اسلوبه بالكلام ينرفز


قالي يلا طلعي اغراضنا من الغرفه وحطيها عند الباب بنروح
قلتله انا جهزتها انت شيلها
عصب وانا عصبت وتجادلنا بالكلام من ضمن كلامنا قاالي الله يلعنك ماتسوين شعره قلتله انت ماتسوى جزمتي قام وضربني وضربته حتى انا
اعطاني كف طيرت غرتي من قووه
طليت فيه بحقد وضربته
نزل اغراضنا ومسكنا الخط ومن بدايته هواش
انتي بقره والله ماغيرك البقره ويضربني كل مارديت ع كلامه وكنت ارد رد قوي ويعصب
حتى دعا عليه قالي عساني اغطيك واقبرك بيدي قلتله انت قبلي ابغى اعيش بسعاده


المهم اللي نرفزني نقطتين

قالي والله حياتي قشرا من يوم اخذتك
وتشوفين والله حياتي ماتوقف عليك راح اتزوج الثانيه
قلتله حتى انا ماراح توقف عليك راح اتزوج الرجال اللي يسعدني واتدلع معاه
قال خلاص انتي كرتك انحرق
رديت عليه انت كرتك صار رماد

بعدين قلتله تقدر تطلق لو تبغى الفكه قال مو مصبرني غير ولدي


والشي الثاني دق جواله ورد
طلع متفق مع واحد يحجزله شاليه بجده وجلس يقهرني انه كان حاجز بس انا مااستاهل سكتتت وهو يحاول ينرفزني وانا ساكته
انقهرت منه كيف بالفندق يرفض نروح لجده وهو بالاصل كان حاجز
كلامه متناقض


ابغى اوريه درس ماينساه ايش اسوي وماابغى احن وتغلبني عواطفي..