والله من زمان عن الرياضه بس هذه شوته قويه لك

مرحبا عزيزاتي
انا رحت زواج قريبتي ومناسبه ثانية
هالاسبوع وجبت لكم تقرير مفصل ممل عن اللي شفته
بس اول بابدى بنفسي
قلت هالمرة لاززم ابهر الكل وارمي البساطه وراي
-جاكم الاعصار وخروا عن طريقه-
شريت فستان مطبع بنقشه الفهد شيفون-تراه داخل مزاجي من اول-
وطوله لتحت الركبه بشوية
ونازلة وطالعه منه قطع طويلة
معليش معرف اوصف

الاكسوار كله ذهبي سواء كان ساعة-شنطة اونعال وانتو بكرامه-
جبت سلسلة الشنطةواستعملتها كحزام نازل وثبته على جنبي ببروش
ولبست طقم ذهب لازودي ناعم ما حبيت ابالغ

بالنسبة لمكياجي كان رسمه فاير سموكي ودرجات البرتقالي والاحمر
ولمعة ذهبي

نجي للي شفته
القماش المكسر سادة
الالوان
الكحلي الغامق جدا ولونه فاقع
درجات الازرق والتروكواز مدموج مع البني
الاحمر الناري
الاصفر
الزهر
الفساتين اغلبها بسيطة وبقصة الامباير
احزمة الخصر النازل لماعه


المكياج قوي وتركيز ع الكحل
المعروف اذا العيون سموكي مثلا يكون الروج باهت
لا هالمرة الروج احمر والمناكير احمر!
اما التسريحات
الشعر طويل -حركة الشريطة +نفخه بسيطه +فل الشعر-
او تسريحه رفع وبتكسير الشعر والاكسوار فراشة
وشفتها بعد على فساتين عند الذيل وكااكسسوار ع الشنط
او شعر نازل ع الكتف الاطراف ملفوفةلبرا
ونفخة كبيرة ويحبذ يكون الشعر مخصل هايلايت حتى تبان اللفلفه
هذا اللي سويته
وبس

نكمل للكاجول
الجزم الزحافي مثل حق الباليه
يا لون الفضة او التايجر

الملابس
الفرو الملون
المخمل
الجاكتات القصيرة
هذي تناسب اي وحدة تحس انها قصيرة
او صدرها صغير
بس لازم تكون بطنك مسسسطحة
ولابيطلع شكلك xo
واخيرا وليس اخر
الحواجب العريضة
انا قريت معلومة صدمتني

تخيلوا الوحدة تقعد تنتف حواجبها وهي تدري ما يجوز
ويوم طلعت العريضة موضة راحت زي الإمعة
تعمل وصلات شعر حواجب -اكستنشن- وبكم؟
بين ال75و250 دولار
وتدوم اسبوعين!
-الحمدلله الذي عافانا مما ابتلاك به-
الصراحة مو حلو تلهث الوحدة ورا كل شئ
ونصير بالتالي مجتمع استهلاكي
الاحلى كل وحدة تكون مرتبه وتاخذا اللون
اللي يبرز بشرتها والاهم تكون نظيفة مرتبه شعرها ومتعطرة
اما الباقي فهو كماليات

اتمنى تكونو استفدتوا
على فكرة احلى مجله هي الجميلة
انا اتابعها من ايام المتوسط
معلوماتها واضحة وبسيطة وتقدري تطبقيها

سلام للجميع وكيف احوالكم
كنت البارحه معزومه على تمايم ناس من قرابة زوجي وبناتهم وحريمهم معروفات باناقتهم
والله ماتصدقون العالم كلهم وش لابسين في هالعزيمه


اســـــــــــــــــــــــــود& احمــــــــــــــــــــــــــر

واغلبهم ستان وساده مافيه اي شي

بس مازجين اللونين يعني اللي لابسه اسود حاطه ورده حمراء في شعرها وبعضهم رافعين الشعر وحاطين ورده وفيه منهم لابسين جزمه حمراء وروجهم احمر واضح والظلال من نفس لون الوجه
يعني ماكانهم حاطين شي على جفونهم الى جانب الكحله بخط ضعيف مره ومسكره بس

واللي لا بسين احمر الشدو اسود والروج فاتح مره والجزمه سودا والساعه سودا
وبعضهم لابسين سناسل طويله سودا وحلق اسود
والبنات اللي اعمارهم من 17 الى 20 لابسين تايرات الين تحت الركبه ممزوجين بالاسود والاحمر وبصراحه طالعين روعه

ولاحضت الاغلبيه شنطهم من لويس فيتون اللون الاسود

طيف / مشكوره على مشاركتك معنا:26: ...

نسمة هواء / ننتظرك لا تتاخرين يالغاليه..:26: .

توته الحبوبه ياحلو طلتك علينا ...
النعومه حلوه اقمشه ساده ومدخلين اكسسوار بسيط ورايق ,,,الله بصراحه خيااال..
تسلمين....