دايم حارقني

السلام عليكم والله لولا الله ثم هالمنتدى كان انفجرت قطع قطع بس الله المستعان ومشكلتي مع زوجي انه يغلط ويغلط ويكابر وانا ازعل واسكت وانطوي على نفسي وارضى لحالي يعني مو مهتم ابد بمشاعري واخر طلعاته اليوم في بيت اهله وهم يحضرون العشا دخلت المطبخ وهو لاهي يطلع البيبسي التفت وقالي ميري تبين بيبسي والا ,,و يوم انتبه اني مو الشغالة تغير وجهه طبعا احترقت بداخلي بس سكت وعديتها على خير خالتي في المطبخ ولا ابي اسوي سالفة في بيتهم وكبرت عقلي لكن والله اني بموت من الحرة وقررت اناقشه بعد مانرجع البيت وقلت له وش رابك في الحركة اللي سويتها اليوم قال خلاص ماعيدها وبكل برود طبعا انا ماتحملت وقلت ابطلع كل اللي في قلبي وقمت اذكره با لاشياء اللي كان يسويها مع الشغالة وماكانت تعجبني يعني هو يمون عليها بزيادة يناديها تقطع الخضرة وتجهز العصير وياخذ رايها في عصيرة واشياء زي كذا كنها اخته وانا ماكنت راضية بس ماابي مشاكل اقول في نفسي اغار من شغالة ؟ لين جا اليوم وناداني باسمها والله انه شي مو سهل ؟ بس الشكوى على الله واللي حارقني انه يكابر ويناظرني بنظرة غريبة يعني خلصتي كلامك خلاص اللي حصل ماراح يتكرر طيب وش الفايدة من هالكلام انا خلاص انجرحت كنت اتمنى انه يطبطب علي ياخذني بحضنه يحسسني اني شي مهم موب يخليني مثل الخشبة ,,,,,, هو ماكان كذا كان اول يعتذر ويتسامح لكن الحين الله المستعان علما اني شايلته على راسي انا موظفة وكل ما املك ملكه يعني مو محسرته بشي ابد شايلة نفسي وولدي وشايلته معنا بس للا سف الطيبة الزايدة في هالوقت ماتنفع ال تحسر الواحد وتجيب له الضغط والسكر والاكتئاب .... انا بس افضفض باشياء بسيطة من الحرات اللي فيني واتمنى اني مااكون دلوعة او نكدية وياليت اللي تفهمني ترد علي وش اسوي معه لاني تعبت واحس اني بنفجر خلاص