السلام عليكم
اللهم صلٍ وسلم على محمد وعلى آله وسلم تسليماً كثيرا ...
لاحظت يا بنات كثير مواضيع بالمنتديات وعلى الإيميلات تتكلم عن عيشة زمان
كيف البساطة والعفوية والقلوب البيضاء
أيام قبل 20 سنة من الحين تقريباً
أيام كانت الناس متواصله ومترابطه
أيام كنا نتزاور بالصباح ونتزاور بالعصرية
نلبس عباياتنا ونروح من دون موعد مسبق بإسبوعين او ثلاثه
ناكل تمر ومكسرات ونشرب قهوة وشاهي ونسولف ونضحك وقلوبنا بيضااء
نتسلف ملابس بعض ونتسلف أغراض بعض والدنيا حلووة
نتكلم في أحداثنا اليومية ونشكي ونبكي وننسى ونضحك بعدها
ما نشيل و لا نحقد ولا نتكلف
ما نفرش سفرة طولها 3 أمتار في أربعة
ما نشتري مقاضي من السوبر ماركت بقيمة 300 ريال عشان حرمتين بيجونا في عصريه
ما نحقد ونحش في فلانه ونعيب عليها
ما نهتم بجوال فلانة قديم وإلا سيارتهم قرنبع وإلا ملابسهم مو ماركه
آآآآآآآآآآآآآآآه ياااااربي على هالزمان
للمعلويمه أنا مو كبيرة عمري 24 سنه ههههههههه
بس أذكر هالأشياااء ,, أذكر يوم أروح لجارتنا وأقول لها أمي تقول لك عطينا حبتين طماطم
وتبتسم لي جارتنا وتعطيني 5 حبات
أذكر جارات أمي يوم كانوا يجونا فجأة وكانت أمي تنبسط وما تقول ليش ما قالوا لي من قبل عشان أستعد
يا ناس أنا تعببببت وكثيررر أحن وكثيررر أبكي شوووق لهذيك الأيام
أبكي لما أروح لبنات خالتي اللي عشت معهم أحلى أيام الطفولة في بساطه وسعادة
وأرجع من عندهم الحين وقلبي تعبان من كلامهم ونغزاتهم وشخصياتهم السالبة
أبي زمان يرجــع
مين ترجع معي 20 سنة لـ ورا ؟؟
كان فيه موضوع قبل مدة في هالمنتدى مثل موضوعي
وكثيرر بنات يتمنون عيشة البساطة
تعالوا خلونا نتعرف على بعض بعيييييييد عن تخلف مجتمعناااااا
موضوعي بينحذف الحين لانه للتعارف خخخخ
اللي معاي في كلامي تراسلني على الخاص
والله ودي أتعرف مليت هالعيشة
:26:
رآعية سوآلف @raaay_soalf_1
عضوة فعالة
يلزم عليك تسجيل الدخول أولًا لكتابة تعليق.
راعية الهلي
•
أنا خوذين معتس :(
الصفحة الأخيرة