دايم يتذمر من طبخي تعبت وش الحل؟؟؟

مرحبا لك عضوات المنتدى إلي هم خواتي من فتره طويله وأنا أحب أقراء لمواضيعكم الأكثر من رائعة وخبراتكم وتجاربكم المفيدة...
أنا واقعه في مشكله ما أدري هي بسيطه ولا لا ؟؟؟
بس أنا معقدتني ومنكده حياتي؟؟؟
أنا متزوجه لي ست شهور أنا عند أهلي ماكنت أطبخ كثير لكن أدخل مع أمي وأشوفها كيف تسوي الطبخات ..
ماكنت أحب أسوي الأكلات الشعبيه لكن المعجنات والمحاشي بارعه فيها ولله الحمد...
أنا بارعه في الحلى أسوي أطباق وأصناف كثيره....
بعد الزواج أول شهرين عادي كنت أطبخ وكان ياكل زوجي ويعجبه الأكل ما أدري كان يجاملني بس ما أتوقع لأنه مو مغصوب ياكل لومايعجبه ياكل لقمتين ويقوم ...
لكن ألحين وش ما أسوي مايعجبه ويتذمر ولكن مايبين لي لكن هذا أثر علي أحس أني وش ماأسوي مايعجبه حتى أصناف الحلى إلي كنت أسويها عند أهلي وماكان يبقى منها شيء مايعجبه ولا ياكل منها شيء...
والله أمه أنهبلت على طبخي وعجبها بالمره ...
صحباتي إذا جوني أسويلهم حلى ومعجنات مره تعجبهم وهوماتعجبه بالمره...
قلت يمكن طبخي ماهو زين وصبرت ...
لكن لدرجة مره سويت عصير له قاعد يقول طعمه غريب ولا كمله ولا شربه ...
ماتوصل لدرجة عصير بس خلطته وصبيته...
يابنات أنا تعبت بالمره وكرهت الطبخ أحس أي شيء أسويه ماهو زين...
كان يقولي المولوخيه إلي تسوينها ماتعجبني والله يوم جاني أخويه وسويتها له أنهبل عليها يقول مره حلوه ...
سرت أسأل خواته وش يحب وكيف تتسوى عشانه لكن مليت من كثر ما أكرر نفس الطبخات وأنا أعرف أشياء ثانيه ...
بحثت عن طبخات في المنتدى وسرت أسويها والله طعمها حلو ولذيذ ولكن نفي الشيء ما أدري هي عين ولا وشو؟؟؟
يابنات ما أدري العيب فيني ولا فيه ...
خلااااااص أحس ماعاد أبغى أطبخ ولا أبغى أدخل المطبخ بالمره ...
قولولي وش أسوي بزوجي والله تعبت ...


أنتظر ردودكم حتى لو بس تواسوني راضيه فيها...
تهون علي شوي..