دبش العروسه ومين يوديه

حبيبتي انتم تودونه انا وديته بيوم واحد انا وامي واختي ورتبة اغراضي وشقتي وخليتها على سنقة عشره ...
ودوها قبل الزواج بيوم او يومين
وكلمة سر بأذنك اذا كانت بتسافر شهر عسل تخلي ملابسها الداخليه واللانجري بشنطه وتقفل عليها لحد ماترجع من السفر....

اذا كانت شقتها بعيده عن اهل المعرس روحو كلكم والله يعينكم على المعرس يركض يجيبلكم عشا واذا شقتها فوق اهل المعرس تروح امها تلهي ام المعرس بالصاله وانتن 3يرتبن اغراضها بس انصحكم الملابس بعد العرس اخاف عليها من حريم السوء اذا لها سلفات موزينه سمعتهن انتبهي من السحر دمر حياتي

شوفي ياقلبي الاصح انو اخوات العروسه وامها وخالاتها وبنات خالاتها هم اللي يروحون وممكن عماتها او بنات عماتها اذا كانوا قريبين منكم مرره يعني مررره يمونون اما العروسه عيييييييييييييييييب فشله لا تروح لانه بيشوفونها اهل زوجها مايصير تدخل البيت باقي على زواجها كم يوم بس وبالتوفييييق ان شاء الله

الي اعرفة انو ام العروسة واخواتها وخالاتها وعماتها وبناتهم يودون الدبش ويكون فية اهل العريس علشان يشوفون الدبش

والعريس يجيب العشاء ويتعشون ويرتبون البيت بس بعد مايدخل الدبش ممنوع يدخل الشقة احد غير العريس 0

يعني حتي اهلة ماعاد يدخلون البيت 0

الي يروح اهل العروسه الام والاخوات والخالات والعروسه ماتروح ابدا

واحيانا اهل العريس يستقبلوهم ويسوولهم عشا بس مايشوفوا اغراض العروسه
ايش ماكان لالالا يشوفوا الاغراض

وجيبوا معاكم بخور للبيت وفواحات وشغلوها في البيت ومسجل شغلوا البقره

والاغراض تكون مغلفه بحركات تل ورود مجففه وشرايط ساتان

الله يوفقكم واذا احتجتي شي انا حاضره لانها عاداتنا