حبيبتى احنا عندنا مايتفرجو على الاغراض نفسها يعنى مو يفتحو دولابك ويتفرجو على ملابسك طبعا لا

ومايسوو كده الا الملاقيف ومره عيب عندنا

الفكره انه يحددو اهل العروسه مع اهل العريس انه جايين نجيب دبش العروسه اليوم الفلانى وهو عاده قبل الزواج باسبوع تقريبا ويلبسو ويتكشخو ويروحو حوالى 6 او 7 حريم امها اخواتها الكبار والمتزوجات عاده البنوتات الصغار مايروحو وخالاتها عماتها ومو كلهم لا الكبار فيهم ممكن بنات خالاتها اللي تعزهم لانه لازم يكونو في بنات شباب يشيلو ويرتبو بس مايزيدو عن 7 اشخاص في العاده

يستقبلوهم اهل العريس في بيت العروسه من عند الباب يسلمو وزغاريد ويجلسوهم في الصالون وقهوه وحلا وبعدها ينزل الدبش ويحطوه عند الباب ويستقبلوه اهل العروسه ويدخلوه البيت وطبعا اهل العريس واقفين حولهم ويزغردو على كل قطعه تدخل ويصلو على النبي ولما يدخل العفش كله عالغرفه خلاص اهل العريس يروحو عالصالون تانى يقعدو واهل العروسه ياخدو راحتهم يرتبو في الغرف واذا جايبه اغراض للحمام او المطبخ يعنى يحطو كل شي جايبته مكانه محد يدخلهم من اهل العريس الا اذا احتاجو شي طبعا

بعد مايغلقو اهل العروسه من الترتيب تروح اكبرهم اللي هى امها مثلا او خالتها او عمتها الكبيره فيهم تقلهم اتفضلو اتفرجو يجو اهل العريس يلقو نظره سريعه عالغرفه وترتيبها بس مو اكثر ويباركو ويدعو للعروسين وماشاء الله وتبارك الله ومن دا الكلام الحلو وبعدين يحطو العشا ويتعشو وكل واحد على بيته اما اذا اتفرجو اهل العريس بالتفصيل على لبسها فهذا من قل الذوق وما اتوقع ولدهم بيرضا اكيد بيقلهم لا في العاده

وزى ماتشوفو في الصور اللي يعرضوها البنات انه الملابس الخاصه عاده تكون في سبت مغلف حمايه لها من اعين الفضوليين هههههههههههههههههههه يعنى ماتشوفها الا العروس لما تدخل بيتها

احنا ماعندنا الحركة هاذى بس حسيتها حلوة صراحة هي يبغالها روقان بس حلوة..

وكمان احنا مانسويها لكن اعجبني تنسيق البنات وترتيب اغراضهم ماشاالله تبارك الله

حنا جهاز العروسة يحط بشناط كبيرة زي حقات السفر بس تكون باحجام وتكون كم وحدة علشان تكفي جهازها وبسسسس

يعني المبالغة بزياااادة ماعندنا الحمد لله ..

احناااااااااااااااااااا اهل يروحوا البيت ويرتبو الاغراض وبس ممكن امه اخته الكبيره تمر تسلم وتهويهم

بس حلو عريسك يشوف اغراضك مزينه