دبلوم التربيه...

انا توني ماخذه دبلوم تربوي من جامعة الملك سعود وهو معترف فيه طبعا
فيه دبلوم تربوي من الجامعة المفتوحة يصلح للموظفات لأن الدوام فيه اربعاء وخميس مرتين في الشهر بنسبة حضور 25% فقط

طيب حبيبتي وش شروط التقديم عليه؟؟ ومتى اقدم؟؟ وكم مدة الدراسه؟؟

ولازم تفرغ والا عادي انتساب؟

طيب الجامعه المفتوحه معترف فيها؟؟

والله يجزاك خير..

الشروط عادية مايشترطون شيء غير البكالوريوس
اول شيء تروحين للكلية يعطونك ايصال دفع نصف المبلغ 5000 تروحين للبنك تسدديين وترجعين ورقة الدفع لهم وخلاص
يطلبون ملف أخضر علاقي وصورتين من كل من:
الوثيقة-دفتر العائلة-شهادة حسن السيرة والسلوك-السجل الاكاديمي -صورتين شخصيتين
التسجيل يمكن بدى الحين لكن يسجلون الى أول أسبوع في الدراسة عااادي كان معاي بنات ماسجلوا الا أول أسبوع أهم شيء عندهم الفلوس
الدفعة الثانية عااادي مالها وقت حتى لو خلص الترم أهم شيء تدفعينها قبل استلام الشهادة
شهادتي أنا الى الآن ماطلعوها ولنا من خلصنا شهر
الدراسة ترمين سنة كاملة بدون انتساب لكن اعذار الغياب تقبل من اي مكان حتى الخاص
الترم الاول 9 مواد ويوم الثلاثاء راحة
والترم الثاني 6 مواد والسبت والاربعاء تطبيق في المدارس
الجامعة المفتوحة معترف في برامج البكالوريوس اما الدبلومات لسا
مرت أخوي دقت على الديوان قالها أوراقهم عندنا وراح يصدر قرار الاعتراف قريبا خلال اسابيع
موقعهم فيه فرعين واحد في حي الفاخرية وواحد في الناصرية
التربوي في الناصرية خلف برج التلفزيون مباشرة
وإن شاء الله بأجيب لك أرقامهم تكلمينهم بس انتظري كم يوم
فيه استفسار آخر انا حاضرة

طيب الجامعه اروح لاي كليه ؟؟ومن اي بوابه ؟؟واسال عن ايش؟؟

طيب انا متخرجه من الكليه اللي تبع الوزاره وماعندي سجل اكاديمي كيف؟؟

up