مساء الخير ..اولا بالنسبة للدبلوم ..تقدرين تاخذين ماله دخل بالشهادة البكالوريوس ..وتقدرين تاخذينه من اي جامعة بس بفلوس وعلى حسب الدبلوم اللي بتاخذيه ..

واذا تبين تكملين ماستر بدون الدبلوم برضو تقدري وتقدمي على تخصص غير تخصصك لكن مو كل التخصصات ..اقصد تخصصك دراسات اسلامية بالماستر تقدرين تختاري تخصصات نظرية يعني علمية مستحيل حتى اذا كان ممكن بتكون صعبة ..

اهم شيء بالماستر اللي يشفعلك نسبتك اذا حلوة بتنقبلين ..حتى في غير تخصصك لكن طبعا الاولوية لاصحاب نفس التخصص ..واتوقع الحين حطوا شرط القدرات صار من شرووط التقديم وفي ماستر صباحي ومسائي .. واي لازم تقدمي توصيتين ..

معليش كثرت الكلام ومو مرتب ..بس اذا عندك سؤال او استفسار ان شاء الله اساعدك باللي اقدر عليه ..ولايردك الا الكيبورد..

مشكووره انسه حلا يعطيك العافية..انا تقديري جيدجدا وشكلي بدرس بجامعة الامام تخصص فقه بس الخوف من اختبار القدرات طيب انتي سمعتي احد توظف بالماجستير وش وظائفهم وكم سنة دراسته لاني مقدر ادرس اكثر من سنتين بمل

العفو .. وبالنسبة للوظيفة والله مادري وماقدر افيدك .. والدراسة على حسب التخصص في سنتين في ثلاث ..وفي بعض التخصصات لازم تدرسي قبل مواد تكميلية من غير سنوات الماستر .. على حسب التخصص .. 

اذا قدمتي حاولي تطلعي على تخصص الماستر الي بتاخذيه علشان تكون عندك خلفية كااملة عن الدراسة ،، والقدرات لاتشيلي همه .. الحين كل شيئ موجود بالنت وتقدري تطلعي عليهة.. وان شاء الله تتوفقي بدراستك .. اهم شيئ الاستعانة والتوكل على الله .. وكل شيئ يهون بإذن الله .. 

اللهم امين ويااك يارب

الله يوفقك ياوهج فتحتي موضوع كان خاطري افتحه
انا مثلك تربويه وتخصصي دراسات اسلاميه
وامنيتي اكمل مااستر
بس في اشياء كثييره اجهلها تكفوووون اللي يعرف يرد علينا
متى التقديم وش شروطهم..؟

وهج ماتحسسين الفقه صعب ..؟

خاطري ادخل علم نفسس
لاني كنت بدرسه فالبكالوريس وربي ماكتب
آنسسه حلآ الله يحلي ايامك وسنينك
ردي علي