الحمد لله حسب ما عرفت من الجريده ان اهل الخير ما قصروا معاها بيوفرون لها سكن ولى حاب يتبرع لها يتصل على جريده الخليج على رقم 0097165777777

ويسال عن موضوع الحرمه وبيخبرونه كيف يوصل لها

الله يعينهم و الله قلبي يتقطع و انا اقرا الخبر و ياليت بيدنا شي نسويه بس الحمدلله شيوخنا ما قصروا

بنات انا رحت لها








ما تتخيلون الوضع






لما قرات الخبر خبرت صديقة لي في البداية خفت انها ما تتعاون معي لكنها فورا فورا قالت لي نروح قبل لا يخلص الدوام .


طلعنا


وصلنا



واحترنا كيف ندور




صفينا السيارة والا أمام السيارة مباشرة كراسي مقابل الشاطيء ووحدة لابسة عباية ومعاها بنتها وتتكلم تلفون .


لما نولنا من السيارة قلت لصاحبني هذي هي لنو البنت بدون حذاء وشكل الم مغبر وقالت للمتحدث معها عالهاتف : طلعونا من البيت وسووا وعملوا .


قلنا خلاص هذي هي .



وانتظرنا تخلص تلفون وأكثر من نصف ساعة والتلفون تتكلم فيه وراحت لسيارة لحقناها واذا بالسيارة أكوام ملابس وأولادها السبعة .






طبعا مشغلة السيارة للكونديشن الدنيا نار العصرطبعا .







واحنا نفكر أنا وصديقتي نروح نجيب غداء من مطعم وا شو نعمل ؟؟؟ فجأة وصلت سيارة البلدية ، وراح السايق للحمامات من جوا وطلع وقال لها لمي قشك واطلعي ( شكله عارفها من أول )


وطلع من السيارة الشاب أبو 20 سنة ودبت الخناقة وأنا لما شفتهم يتصايحون والولد راح للسيارة يجيب سكين والا مسدس أنا تركت صاحبتي وركضت على سيارتي وماعرفت أطول المفتاح وركبي خلاص صارت بالأرض وطلبنا الشرطة وقبل لا يرن جرس الشرطة كانت سيارة الأم تحركت وغادرت المكان .

وبناتها بملابس المدرسة طبعا .


والولد تهاوش مع أمه وصاروا كل اللي بالسيارة يبكون والأم تصوت بصوت عالي قبل لا تغادر السيارة .



والله يا بنات شي يقطع القلب .






لازم نتحرك !!!!!!!!!!!!!!!!!!!!


ليش ما ندفع كل وحدة مبلغ ونأجر لها شقة ب12 ألف بعجمان أو ام القوين أو أي حتة .


تخيلوا بنات أنا لما قرأت الخبر قررت أروح وبعدين قلت معقولة ما ييجي فاعل خير ويضبها بملحق بيته ؟؟؟؟؟ أكيد أهل الخير كثار وما أظن ألاقيها .


لكن الناس خيبوا أملي وين الناس اللي قرأت الخبر وايش سووا وعملوا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لاحول ولاقوة الابالله


الله يرزقها ويرفعها واولادها ويسخر لها اهل الخير يارب



جزاك الله خير حبيبتي