دبي يا دبي 😭😭 تركيا ياتركيا 😭

السلام عليكم

كيفكم صبايا

بليز بليز بليز ابيكم تساعدوني برايكم

اول شي انا تقريبا لي سنتين ونص متزوجه سفره غير شهر العسل ماشفت وكانت ربوع بلادي بعد

طلعني بحر وكشتات بس ماشفت لاعمره ولاشي ولما اطلبه يقولي في بالي بس لما نخلص ديون وبيخلص عمري وماخلصت ديونه

نطلع من دين ويدخل دين وع الفاضي مايعرف يتصرف بالفلوس

وهو للامانه اذا معه فلوس مايقصر

المهم عزمه واحد من اصحابه عنده في مصر اخر شهر ٢
انا انجنيت قلت طلعنا عشان تطلع وليلتها كرهته حياته قام حلف مايطلع وعقاب لي احلم اطلع برا السعوديه وهو بعد

انا سكت لان انفكيت من طاري مصر وهو يقول ماراح تكلف لان صاحبه عنده بيت في مصر المهم على كلامه كنسلها

الحين وين السالفه انا بينزلي حافز اول مره شهر ٣ ان شاء الله الفين ريال لان العام تخرجت من الجامعه

وامي وصاحباتها بيدخلون جمعيه من الف ريال الشهر هاذا وبتطلع عشر الاف فكرت ادخلها واخذها شهر ٣ واقنع زوجي نطلع دبي ولاتركيا مو مشكله ع المبلغ انا اعرف بدبي اماكن مايكلفني السكن ٤ ايام الفين ريال وتسوق مابي كثير اهم شي اسافر واستانس
تركيا في بالي بس ماشفت كم تكلف ومو مشكله لو هو يزيد معي

وفكرت بعد اذا رفض نسافر اشتري فيها ذهب يعني مو خسرانه شي

بس ماراح يبقى لي شي منه لان الالف اللي بتبقى بتروح دين لامي لانها دفعت لي اقساط اخر ترم بالجامعه ووعدتها على حافز ارجعها لها لاتقولو لي زوجي ليش مايدفعها ماقصر اول سنتين هو دفع والجامعه خربطت ميزانيتنا واخر ترم قلت لامي تدفع لي واسددها من حافز

الحين ماراح يبقى لي شي من حافز ادلع نفسي كل شهر امي تقولي عادي لان اصلا ماتعودت عليه وغير كذا تقول عشان زوجي مايتعود على حافز ومايصرف علي تقول نفس نظامكم مايتغير هو يوديني ويشتري لي اغراضي الناقصه

وبعد لاتقولون لي امي تستغنى عن الدين لان انا راحمتها وبساعدها اعطيها الالف كل شهر عندها ٦ بنات ياكثر طلباتهن

المهم كثرت هرجي بس علشان تكونو بالصوره

ايش اقتراحاتكم معاي ولا ضدي ولا عندكم راي جديد

😘😘😘😘