شخباركم امس سويت طبق وصراحه طلع روووعه ......
هذا الطبق كنت اسويه بالروب بس مره من المرات ماعندي روب :angry2:
قلت خلني اجربه باللبنه :) ..
المقادير والطريقة :
صحن صدور دجاج مقطع مكعبات .
عصير ليمونتين
خلطة الدجاج :
علبة لبنه بينار الخضره .
كاس ونص لبن .
مكعب ماجي
كوب كزبره فرش مفرومه .
2بصله مقطعه مكعبات .
4 فصوص ثوم
ملعقة كركم .
ملعقة صغيره فلفل اسود
ملعقه ملح او على حسب الطعم
حبتين فلفل حار احمر ناشف (اختياري )
ملعقة صغيرة كزبره ناشفة
كلها توضع بالخلاط ألكاس وتخلط جيدا .
بصل مقطع شرائح
2 فص ثوم مهروس
كزبرة
شبت
2 بطاطس متوسطه مقطعه مكعبات صغيره
2طماطم مقطعه مكعبات
فلفل رومي مقطع مكعبات
ملح-فلفل اسود
نص ملعقة كركم
ملعقة كاري مطحون .
ملعقة بهارات مشكله .
ورق غار
زبده
معجون طماطم
الطريقة :
الخلطة (1) توضع كل المقادير في الخلاط
في وعاء غزيرضعي صدور الدجاج
واضيفي الخلطة (1).
وقلبي جيدا ثم غطيها وخلي صدور الدجاج تتبل بالتتبيلة لمده أربع ساعات تقريبا
الحين الخلطة (2):
بعد ما نطلع الدجاج من التتبيله ونحتفظ بباقي التتبيله لاننا بنستخدمها .
بالخلا ط مره ثانية نضع ضع الطماطم ومعجون الطماطم تتبيله الدجاج المتبقيه واخلطي .
في مقلاه عميقه او قدر ..
حمري البصل والثوم حمري لمده 5 دقايق
اضيفي الدجاج وقلبيه 5 دقايق اضيفي البطاطس وقلبي
اضيفي البهارات كلها وقلبي اضيفي الفلفل الباردوقلبي والكزبره والشبت وقلبي المقادير لمده 10 دقايق على نار هاديه
نضيف خلطة الطماطم الي بالخلاط الي معاه التتبيله ...
قلبيها جيدا واتركيها على نار هاديه لمده 15 دقيقه
الى ان ينضج البطاطس
قبل التقديم وزعي الزيده بشكل قطع صغير على السطح
ورشي كزبره شوي للتزيين.
حمري شوي من الكاجو ونضيفه للطبق (اختياري ) .
انا قدمته مع الرز الابيض ويهبل مع الخبز الايراني ......
اضغطي على الصوره للتكبير
وانشالله تطلع الصورة ..:(
