مساء الخير للجميع
حيآ الله هآلوجوه الجميلة
هذي اول مشاركة لي في قسم الطبخ من زمان ودي اشارك بس مااذكر الا لاخلصت طبخ
و الآ الموآضيع مصورة بس يبي لهآ فضآوة خخخ
المهم ماطول عليكم ..
هذا الله يسلمكم يوم من الايام ومع هالاجواء الرائعه >> لازم من التشويق
وجلسه في بيت شعر مع شبة النار واعجبني الجو والجلسه ومافيني ادخل المطبخ
الا زوجي يقول ماودك تسوين غداء ... قلت مين تكلم:humm:
المهم رحت المطبخ واستدعيت المخ والمخيخ وطلعت باطبخه تعجبكم ان شاء الله
وتنفع لطلعات البر والكشتات ..
دجاج
خضار مشكل الا عندك حطيه
بهارات
ملح
معجون طماطم
قصدير <<<هذا هو السر:p
الطريقه
تقطعين الدجاج والخضار كله وتبهرينه وتحطينه في قصدير
هنا يبدأ الشغل تلفين عليه القصدير اكثر من مره وتقفلينه من جميع الجوانب بأحكام شديد <<ياحلو فلسفتي
طبعا انا قلت لكم ودي استمتع بالاجواء الرائعه والمطر ولاودي بجلسة المطبخ شلته معاي على بيت شعر وحطيته ...
حطيته في المشب فوق الفحم
وبالاخير طلع طعمه مرره لذيذ ... اهم شي ماقعدت في المطبخ وخليت ابو الشباب ينتبه له ..
اتمنى تعجبكم وتجربونها في طلعاتكم ..
ولاتحرموني ردودكم الحلوه << والابزعل
تسلم يدك ويعطيك العافيه