السلام عليكم خواتي شخباركم
أن شاء الله تمام ..
بصراحه هاذي اول مشاركه لي وارجو انها تعجبكم
وبلييز شجعوني بالردود ولو أني ماقدرت اصور لكم
لأني نمط حياتي سريع سريع وعندي بنوته-لين- عمرها
ثلاث شهور انشغل فيها الله يحفظها قولو آمين..
طولت عليكم يالغالين >>>خخخخ
صينية الدجاج
في قدر تحمسين بصل وثوم ثم تضيفين عليها قطع دجاج صغيره
وانا استخدمت الصدور ثم تحركينا على نار عاليه حتى
تنشف مويتها وتخفضين النار وتضيفين ماجي وربع ملعقة
صغيره بهار مشكل وتغطين القدر 7 دقائق وترجعين
تضيفين عليها ملعقة صغيره زعتر وملعقه كبيره كزبره مفرومه
وتطفين النار وتنقلين الدجاج الى صينية فرن وتغطينه بعيدان
بطاطس مقلي وخلي البطاطس نحيف وحمريه شوي بالزيت
يعني يصير مقرمش ثم غطيه بخلطه عجيبه وهي 3ملاعق كبار
جبن سايل وملعقتين كبار طحينيه ورشه ملح وربع علبة قشطه
وشوي ماء ودخلي الصينيه الفرن من5-10دقايق. وبالعافيه
اما سلطة الخس سهله جداً قليله فيها
وهي خس يقطع ويوضع في صحن التقديم وينثر فوقه خبز محمص
وخلطه سريه هي زبادي وطحينيه وليمون وملح وتوضع على الخبز
وبالاخير ترشي عليها شوية زعتر وزيت زيتون وتقدم يمممممي..
ادعولي .. ام فراس
My Life Dream @my_life_dream
عضوة جديدة
يلزم عليك تسجيل الدخول أولًا لكتابة تعليق.
مس جنان
•
يعطيك العافيه
الصفحة الأخيرة