اليوم جبت لكم طبق دجاج سهل
ولذيذ ويواجه وينفع عشى للعيال
<<اكيد في عضوات يعانون مثلي
في عشى للعيال في وقت الدراسة
او في الاجازات
لانهم يتشرطون ودايم يبون
ياكلون من برا وهذا
اللي يخوفني ومافيه حل الا البحث
عن ماهو جديد ولذيذ
ويناسب اذواقهم وهذا اهم شي
وطبقي اليوم بإضافات بسيطة
يكون طبق هندي يواجه
اذا كان عندك ضيوف او اخذتيه معك
في زياراتك راح تسألين عنه لامحاله
المقادير:-
دجاج مقطع الى ثمان قطع ومزال عنه الجلد
او صدور دجاج مقطع مربعات
بصل + ثوم مفروم + معجون طماطم
2م ك جبن سايل + تقريبا 3 ملاعق كبيرة صوص الصويا الحلوه
ماجي + ملح + م .ص من
(بهارات +كاري + فلفل احمر بودره + فلفل اسود + كركم مطحون)
كزبره خضراء
الطريقة
احمس البصل بشوي زيت ثم اضع عليه الثوم
واقلب لين يذبل البصل
اضع الدجاج واقلب الدجاج واضع البهارات واستمر بالتقليب
ثم صوص الصويا
بعدين معجون الطماصم
والجبن السايل واستمر بالتحريك واتركه على نار هادئه ( الخطوات تكون ورا بعض )
انا احط من كاس الى كاسين مويه
لان عيالي يحبون الصوص حقه
ويصبح لونه على زهر
حتى ينضج قبل ذلك نضع الكزبره بعدين نرفعه من على النار
ويقدم مع ارز ابيض او خبز
ملاحظة :-
اذا كنت ابسوي الطبق لبيتي اقطع الدجاجة الى ثمان قطع مع العظم ولا احط فلفل احمر بودره
لكن اذا كنت اباخذه معي بزيارة او عندي ضيوف احط صدور دجاج مقطعه بدون عظم واحط فلفل احمر بودره
واذاكنتي تبين حطي حليب جوز الهند مع نشاء مع اني ماحطيته الامرة واعطى نكهة هنديه خالصة وهذا اختياري موب ضروري بس اذا بغيتي تفننين بالطبق
حتى بدون هالاضافات الدجاج لذيذ والله بدون مبالغه ماعمري اخذت هالطبق سواء بدوامي او زياراتي الخاصة
لازم يخطف الانظار
ارجو انه يعجبكم
واذا عجبكم طبقي ارجو الدعاء لي بتفريج الهم وصلاح عيالي
وان يطول باعمار امي وابوي على طاعته
ولكم بالمثل
