دجاج بصلصة الهليون .........جربيها وعلى ضمانتي

يلى يا بنات نقول بسم الله واعملوا هالاكلة الفاخرة

مضمونة لاني اليوم اعملتها وكتبتلكن ياها بعد ما جربتها بس لاتعلموها لحدى :
المقادير :

-كيلو صدور دجاج مفروم بماكينة الكبة وممكن تلاقيه جاهز مفروم بس انتبهي يكون صدور بس
-1 فليفلة حمراء حلوة مقطعة صغيرجدا جدا بس مو برش حتى ما تنزل ماء

-1 فليفلة خضراء كمان مقطعة متل اختها الحمراء

-بصلة صغيرة مفرومة ناعم كتير

-جزرة متوسطة مقطعة كمان صغيرجدا متل الفليفلة

بهارات + رشة فليفلة حمرا بودرة + ملح +بهار ابيض

الطريقة ::21:
نخلط مفروم الدجاج مع المقادير كلها خلط جيد باليد ونضعهن بكيس نايلون ونلفون متل السوكييه او اوضح متل علبة المرتديلا المدورة الوسط ونضعهن بالفريزر لثاني يوم ليجمد

نطلعه من الفريزر ونتركه بره من ربع لنصف ساعة بس لا تفكيه عنه التجميد بس يطرى شوي صغيرة
نطلعه من الكيس وندهنه او بصويا صوص او ترياكي
ندهن صينية بمازولاونضع الدجاج ونغطيها بالسولفان ونتركها ساعة :time:
بعدين نخرجها ونتركها تبرد شوي للتقطيع :30:

الصوص :

اول شي اذا بتحبي اسلقي بروكلي وصفيه واتركيه للتزين (اختياري بس مفيد وشكله حلو )

ثاني شي في طريقتين للصلصة او :
فقط ظرف شوربة كريمة الدجاج بس طبعا عاملتيه وجاهز

او هي الطريقة وهي اطيب وافخر :o

1- ظرف شوربة الهليون طبعا مطبوخ
- علبة هليون اخضر نصفيها ونطحنها بالخلاط
- علبة كريمة فريش
-مكعب ماجي
نضعهن عالنار ليغلو غلوة وحدة بس ضيفي على طول الكريمة بالاخر لانه بتخرب طعمتها لذا حطيتيها عالنار كتير

هلق نحضر صحن اوصينية التقديم بس لازم تكون بتدخل عالفرن

نقطع الدجاج شرائح متوسطة تقريبا بسماكة قطعة الهامبرجر او اقل شي بسيط
ونصفهن بشكل دائري بالصينية مع ترك الوسط فارغ لوضع قطع البروكلي
ونصب الصوص المختار فوقهن
وندخلها عالفرن من 5 ل 10 دقائق فقط ليسخنوا مع بعض
وقدميها وطبعا شكلها من افخر مطعم والف صحة وعافية واية سؤال تفضلي :27: