الدجاج المشوي بعمود الشوي قليل السعرات
المكونات
بصل + ملح + فلفل + رشة حبهان ( مطحونين ناعم جدا اي لا يوجد اي تكتلات بالبصل )
الخلطة الخارجية
عصير ليمون + 1 ملعقة زيت + ملح خشن + زعتر دقة
( ممكن تغيري في اضافة اي توابل تفضلينها )
الطريقة
تغسل الدجاجة جيدا و تخلط بالبصل الناعم المتبل من الداخل و الخارج و بين الجلد و اللحم
و تترك في الثلاجة لليوم التالي
( تعطي للفراخ نكهه جميلة و لا يظهر طعم البصل في النهاية )
نضيف علي الفرخة ملعقة الزيت و عصير الليمون كده الفرخة اصبحت رطبه
ممكن يتلصق بها اي توابل
نخلط الملح الخشن و دقة الزعتر و تخلط جيدا ( دي خلطتي المفضلة )
و نرش علي الفرخة من الدخل و الخارج
و تكوني مساكه الفرخة في يدك لانك لو وضعيتها علي طبق ممكن خلطة التوبل و الملح تنزل منها
نحضر عمود الشوي نضع به الفرخة و في الصنيه اسفل الفرخة ضعي ماء لا يصل الي الفرخة
ممكن اضافة اي مطيبات للماء ( عود قرفة - حبهان - قشور ليمون - بصل )
و ادخليها الفرن 180 درجة لمدة ساعه و نصف
يفضل الفراخ الحجم الصغير 1200 جرام مثلا
لان كل ما زاد الحجم تاخذ وقت اطول في الفرن و ممكن تنشف جدا من الخارج
نصيحتي لمتبعات الحمية ان تبدعي في اظهار جمال وصفتك لان العين تشتهي الطعام و هذا له عامل كبير علي نجاح اي نظام حمية
و هذه النتيجة يا حلوات
اتمني ان تعجبكم الوصفة
مستكة هي نفسها لوزة_لوزة