والحين جايه اعوضكم بدجاج الشوايه
ويالله نبدا باالخطوات المصوره
وقبل مأبدا اذكركم انه اي شي يعجبك او مايعجبك برضو اذكري الله وحياااك ربي بموضوعي
بعد ماتغسلين الدجاجه وتنظفينها من جوى بأصبعك
تسلقين الدجاجه كامله تقريبا ثلاث ارباع السلقه لييييه عشان ماتتقطع معك وانتي تحطينها بسيخ الشوي
سلقتها بقدر الضغط ووضعت معها جميع البهارات وماجي وعود قرفه وقليل من الصلصه وشوي زيت وثوم مجفف حسب الرغبه وان حبيتي بصل
هنا بعد مأضفت الماء وسكرت قدر الضغط وتركته تقريبا ثلث ساعه
وهنا بعد ماطلعت الدجاجه من القدر ووضعتها بصحن طبعا مويه الدجاج لاتكبونها بأمكانك تسوين بها رز او مكرونه اوي اي شي تحبينه
وهي صوره للبهارات عملت جميع ماعندي من بهارات واضفت عليه شوي من مرق الدجاج وقليل من صوص الصويا ودهنت به الدجاج من جوى ومن برى
وهنا بعد مادهنت الدجاجه بالبهارات
طبعا راح اشرح لكم طريقه السيح اللي يوضع جوى الشوايه لان فيه كثير مايعرف طريقته
وراح اشرح لكم بالتصوير المفصل
انا شوايه الدجاج بالشوايه الكهربائيه مو بالفرن الكبير
تفكين وحده من الاسياخ المتحركه اللي تشوفينها على الجنبين وتطلعينها برى مثل ماتشوفين بالصوره
تدخلين الدجاجه من جوى في وسط السيخ زي ماتشوفين بالصوره
ثم تدخلين السيخ المتحرك وتحاولين تدخلين جزء منه في الدجاجه مع الجنبين
ثم تثبتينها في داخل الفرن وتشغلين زر الشوايه وترفعين على النار ويكون تحتك صينيه لانها راح تنزل دهون
وعشان تعرفين ان الشوايه تشتغل صح وانك مثبته مضبوط لما تضغطين زر الشوايه راح تدور زي مانشوفها في المطاعم