دجاج شوايه من مطبخي وطعمه زي المحلات

السلام عليكم أخواتي أحب أهنيكم بقرب رمضان المبارك :)عندي لكم وصفة الدجاج الشوايه بصراحه أنا أحبه مره وجربت كثير الين ضبطت معايا الوصفه وعلى فكره سريعه وسهله وتنفع في السحور في رمضان تنظفي الدجاجه كويس من جوا وبره بالدقيق والخل والملح وفي زبديه تخلطي البهارات اللي اقوللك عليها{ملح.فلفل أسود .بابريكا.كركم.كمون.كزبره ناشفه.أجيني موتو.بهارات مشكله.عصير ليمونه.شوية زيت.ثوم مطحون.}اذا حبيتي وهذا اختياري تضيفي صلصة صويا المهم لا نطول عليكم تدهني الدجاجه كويس من بره وجوا بعد كذا تحشيها ببصل مقطع فرنشات أي{طويل}وكزبره وبقدونس غير مقطعه وتقفلي اخر الدجاجه باعواد الشوي بس تكسريها على قد الفتحه حقت الدجاجه المهم تضعي الدجاجه في اكياس الفرن واذا حبيتي وهذا راجعلك تضيفي خضار انا أعملها بهذي الطريقه{تقطعي الجزر والبطاطس وتفرمي معاهم كزبره وبقدونس ناعم وتتبليها بنفس التتبيله السابقه وتحطيها في الكيس مع الدجاج نسيت اقولكم تقطعيهم كبار}نقفل الكيس حسب الارشادات الموجوده ونثقبه كم ثقب عشان ماينفجر علينا:mad:وتدخليه الفرن لمدة ساعه ونصف لما يستوي أقطع الكيس واحمره من جهه ثم اقلبه واحمره من الجهه الثانيه وبالعافيه على قلوبكم {أمانه اللي تجربها تردلي كيف}