دجاج كريسبي بالفرن صحي ولذيذ اتعب واقول خطير اممممم بالصور

السلام عليكم
كيف حال الحلوين وكيف حال الجوع مع البرد :27:
جبت لكم طريقه للدجاج خطيره وصحيه ولذيذه وسويها مره تدمنين عليها كل مره

نبدا بالمقاديرر
دجاجه مقطعه اوصال
3 ملاعق لبن زبادي
1 ملعقه صويا صوص
1 ملعقه زبده فول سوداني
1 ملعقه معجون طماطم
وبهارات (ملح فلفل اسود كمون بابريكا كزبره ناشفه ورق ريحان ناشف وشوي هيل وشوي قرفه )
كزبره طازجه شوي
شيبس ليز او البطل بالملح
الطريقه
تغسلين الدجاجه زين وتقطيعنيها على حسب ماتحبي بس افضل تكون القطع صغيره عشان تستوي بسرعه
وبعدين تشيلين الجلد وتبدين تخلطين الباقي كله مع بعض وتتبلين به الدجاج وتخلينها اقل شي 3 ساعات عشان تمسك التتبيله وممكن تسوينها من الليل وتخلينها بالثلاجه يكون الطعم الذ
وبعدين تصفينها بالصينيه وتفتتين الشيبس وتحطينه فوقهااا وتدخليها الفرن من تحت تقريبا ساعه ومن فوق خمس دقايق او اقل وعليكي بالعافيه

واذا تحبين معها رز ويكون متشرب من الخلطه حطي في الصينيه بهارات الكبسه من كنور شوي وحطي عليها مويه حاره وحطي الرز وغلفيها بالقصدير واعملي ثقوب بالقصدير وحطي فوقه الدجاج زي ماانا سويت

وهذي الصور بسم الله ماشاءالله ولا حول ولاقوه الا بالله
Photo0487

وهنا بعد ماشلت القصدير والرز كان تحت
Photo0489

وهذا الصحن لاول وحده ترد
Photo0495