دجاج الكنتاكي
يطلع لذيذ ومقرمش ويشبه كنتاكي حتى ما تفرقي بينهم , وبعد ألذ !!
الخطـــوات :
1- أول شي نقطع الدجاج قطع صغيرة ونغسله ونفوره بالماي لين ما يستوي.
2- نخلط : ( ثوم مطحون + عصير ليمون + م صغيرة نشأ + م طعام زيت زيتون +ملح +فلفل اسود + بهار + ملعقتين طعام روب + شوي شطة ) .
وندهن قطع الدجاج بالخلطة , ونحطه بالثلاجة مدة نص ساعة .
3- نجهز الاتي :
بيض نخفقه مع شوي حليب + كورن فلكس نفتته شوي + طحينمع شوي نشأ وبهار.
4- نطلع قطع الدجاج من الثلاجة , نحطه قبل ع الطحين وعقب في البيض وعقب بالكورن فلكس.
ونصفهم مع بعض , وعاد هالمرة نحطه بالفريز عشان يتماسك مدة نص ساعة .
5- عقب ما نطلعه من الثلاجه , نقليه في زيت غزير وساخن , بس يحمر نطلعه,
ما يحتاج وايد لانه الدجاج مستوي , بس عشان يحمر الكورن فلكس شوي .
وهذا شكله عقب ما قليناه , ويقدم مع البطاطا وبالهناء والعافية ,,
من جد روعه
تسلم يدك ماشاء الله لا قوه الا بالله