دجاج محشي على طريقتي

#تتبيلة الدجاج :
ملح ، بابريكا حار ، فلفل أسود مطحون ،كاري ، بهار دجاج ، زيت زيتون ،توم مهروس او بودرة ، شوية قرفة مطحونة ،ملعقتين عصير ليمون ، ملعقة من صلصة الصويا ان وجدت .
منخلطهم مع بعض بصحن ومندهن الدجاجة منيح من جوة ومن برة .
وبكون مجهزة الحشوة ..
#الحشوة :

منحط شوية سمنة وزيت زيتون في قدر وبحط اللحمة المفرومة تا تنشف وتتطبخ .. بعديها بشوي بحط اللوز والصنوبر تا ينقلو ويتغير لونهم ..
(ممكن أحتاج شووويية زيت .. بزيد شوي عند الحاجة) بعدين بحط شرائح البصل ، والتوم المهروس ، قطع الفلفل الرومي ، والزبيب ، ومكعب ماجي .. ومنحرك منيح ..
منضيف شوية ملح وقرفة مطحونة وفلفل أسود مطحون .. وممكن كمان بهارات رز.. حسب الرغبة.. بس أنا ما بحب أزيد عشان يطلع اللون حلو والطعم متعادل .
منضيف الماء كوبين لكل كوب رز بسمتي ومنحرك شوي كل المكونات ولما تغلى منحط الرز على نار هادية ومنطفي بعد 10 دقائق ..
#منبلش بالحشو :
منحشي الدجاجة بعد تبهيرها بأكبر كمية ممكنة من الرز


#منجهز بايركس الشوي :

منحمي الفرن
منحط الدجاجة في البايركس منوزع قطع بطاطا وقطع جزر حوالين الدجاجة ومنرش شوية ملح عليهم انا برضو بدهنهم بتتبيبلة الدجاج ازا كان ضايل منها..
منحط شوية زيت زيتون و ماء ..
منغطي البايركس بالقصدير ومنحطو بالفرن بالنص على أعلى اشي وبشغل من فوق ومن تحت .. لمدة ساعة كاملة او لما احس انو استوى منيح .. بعد هيك ممكن اشيل القصدير للتحمير ..
الشكل بيشهي والله يا بنات والطعم ولا أروع..
وبتتقدم مع سلطة خيار بلبن بجانب صحن الأرز المتبقي بعد الحشو ..


وصحححةة وعااافيةةة😘😘


#ملاحظة : يمكن الاستغناء عن اللحمة المفرومة برضو بطلع الطعم جنان..
ويمكن أيضا استبدالها بكبدة الدجاج او قناصة الدجاج ..😊😊