دجاج مسحب...

المقادير
دجاجه مسحبه
كيس توست
جبن كيري ثمن حبات
كريمه كي دي دي الحمرا علبه وحده
وعلبه حليب ربع لتر
علبه ذره كبيره
جبن موتزاريلا
الطريقه:
نخلط بالخلاط جبن الكيري والكريمه والحليب وضيفي عليه شويه ملح
اخذي ماعون بايريكس
قصي اطراف التوست البنيه وصفي طبقه منه قاع الماعون
خلطي الدجاج مع الذره وحطي نص الكميه فوق التوست
ثم صبي عليه من خلطه الجبن والحيلب والكريمه لين تشوفين انه تغطا عدل ( لاتغرقينه حيل حيل بس شربيه )
ثم صفي طبقه ثانيه من التوست وضعي فوقها النص الباقي من الدجاج بالذره ثم صبي كميه اكبر بشويه من الخلطه (الحليب والكريما والجبن) ثم ضعي الموتزاريلا علي السطح (غرقيه موتزاريلا)
ثم ضعيه بفرن متوسط الحراره(شبي تحت لمده نص ساع الي اربعين دقيقه ثم شبي فوق عشر دقايق او الي يحمر)
وبالهنا والشفا والف عافيه علي قلبكم ترا الطبخه مو طبيعيه عجيييييبه لذيذه من قلب جربوها و وعطوني رايكم

بنات انا قريت من منتدى ثاني وقبل ما اكتبه سويته بعد ما سويته كتبته تراة شيء من ناحيه الطعم ولا الشكل

:angry:
وبالعافيه على قلوبكم
منقول