^_^دجاج مشوي بالبخار .. طريقة رووعه ومبتكرره ولذيذه والمفاجأه أنها سهللللللللللله ^_^

السلام عليكم ورحمة الله وبركاته

طبعاً نفس الطريقة الشوي للأمانة وحده قد ذكرتها في موضوع ثاني بس المشكله اني ناسيه من هي ولا عندي الرابط..

لكن التتبيله والا ضافات من عندي أنا..

نخش على
المقادير:
دجاجة كامله منظفه بدون تقطيع
عصير ليمونتين
ملعتين ملح ناعم
ملعقتين بهار
بصله مقطعه تقطيع صغير
تخلط جميع المقادير مع بعض وتتبل بها الدجاجه وتوضع في الثلاجة لمدة يوم والأفضل يومين..

وبعدين طريقة الشوي تجيبين علبة فيمتو وتعبين ثلاثة ارباعها بالموية الحاره وتحطين ملعقة ملح خشن وتدخلين الدجاجه فيها من فوق وبعدين تحطين العلبة في صينية وتصبين في الصينية مويه عشان ماتحترق الصينية وتخلينها في الفرن تقريباً ساعه ونص أو متى حسيتي انها حمرت وخلصت (يعني هي ماتحتاج تحمير تحمر نفسها بنفسها مع حرارة الفرن)

وبعدين تسلقين لك شوي مكرونه صغيره وتملحينها ..

وتسلقين بعد خضرة السنبله المثلجه وتملحينها شوي ..

وتحطين الدجاجة في وسط صينية التقديم وتحطين على دار مادار الدجاجة نصف مكرونة ونصف الخضرة ..
وهاذي صورة توضح لكم اللي أقصده ..


..والعذر على عدم وضوح الصوره..

وامممممممممم تمتعموا باللذه والطعم والثناء :42:

هذا اصلا اذا بقى لك شيء :22:

والله يابنات جد ابو زوجي مايحب الدجاج وهذاك اليوم قضى عليها هو وزوجي (بس زوجي يحب الدجاج :42: ) حتى انا يالله ذقته عشان بس اطمن ان طعمه حلو:09: >>دايم تشك في شغلها ههههههه

ولا ماكلت غير الذواقه..

يالله عاد جربوه وبسمع منكم انتم رايكم..

وكل رمضان وانتم بصحة وسلامه

ولا تنسون الغالية لي لي من دعواتكم ..