أستغفرا الله الذي لاإله إلا هو الحي القيوم وأتوب إليه
السلام عليكم
هذا الله يسلمكن دجاج شفته من زمان مسوينه شباب طالعين البر على النار وحطيته في راسي أسويه والحمد لله سويته اليوم بس في الفرن برد مرره ماقدرت أشب نار مع تغييرات بسيطه وطلع جنان و رويان مهوب نفس الدجاج العادي محتفظ بطعمه كأنه حق المطاعم وأن شاء الله بعتمده بسويه دايم
يلا نجي للطريقه
نأخذ بصله صغيره +طماطه متوسطه +علبه زبادي +ثلاث ملاعق خل +عصير ليمونه وحده + نصف فلفله روميه + ملح + فنجان قهوه سفن + صويا معتدله ملعقه (ماهو ضروري ) + بهارات مشكله + فلفل أسود + ملعقه كبيره معجون طماطم+ 2 ثومه طازجه + شويه كركم نخلطها كلها في الخلاط ثم نكبها على دجاجه ذايبه ومغسوله وخليها على الأقل أربع ساعات ودخلي التبيله جواء ذوقي التبيله لازم يجي الملح شوي طالع
نقطع بصله أرباع وثومه وكزبره أو بقدونس بدون فرم
نحشى جوى الدجاجه بالبصل والثوم والبقدونس نحشيبها الفتحه من فوق عند الرقبه
نجهز صينيه دائريه ونلبسها قصدير ونحط في الوسط العلبه الباقيه من السفن اللي أخذنا من فنجان للتتبيله
ناخذ الدجاجه ونحطها عل السفن والرأس فوق نفس الصوره
ثم نصب التتبيله المتبقيه في الصينيه
ثم نكب نصف كوب ماء على التتبيله
نأخذ قدر مقاس الصينيه ونغطيبه كذا ثم ندخه الفرن أنتبهو لاتطيح الدجاجه شيلوها بهدؤ على نار عاليه من فوق وتحت
تاخذ في الفرن ساعه أنا دجاجتي 900 اذا أكبر خلوها ساعه وربع ثم خرجزها بهدوء ثم أرفعو القدر
شوفوكيف أطلعت محمره تهبل
شيلوها من علبه السفن وشيلو البقدونس اللي فوق في الرقبه وقدموها مع رز أو خبز اللي تبغون
نجي للصياديه
في الخلاط طماطه ونصف فلفل بارد أخضر وثومه وكزبره خضراء وبصل محمر ونصف فنجان شطه و2 ماجي وبهارات مشكله وملعقه صغيره كمون وملح وزنجبيل بودره نصف ملعقه وفلفل أسود وملعقه صغيره سكر وملعقه كبيره دبس رمان وشويه قرفه
نخلطها في فرامه البصل أفضل
في قدر على النار نصف أصبع زبده وملعقتين زيت مع ورق غار وليمون أسود وقرفه وهيل وقرنفل كلها عدله نحمسها
ثم الخلطه
ثم اللرز المنقوع انا حطيت كوبين
ثم مرقه أو ماء الأفضل مرقه
طولي النار شوي ثم وطيها وخليها على نار هادئه ثم بخريه إذا تحبين وبس
وهنا قدمته الدجاجه