اليوم جبت لكم طبق ايهبل
واخيرا نجح معي الريزتو بنفس الطريقه اللي اكلها بالمطعم
مقادير الريزوتو بالسبانخ والجبنه
كوب ارز اسمر او ارز مصري او امريكي
نص فص ثوم مبشور
نص كوب سبانخ مفروم
مكعب ماجي
ماء ساخن
ملعقة طعام زبدة
نص كوب كريمه
ملعقة طعام جبن كرفت السائل
الطريقة:
حطي الثوم في قدر مع الزبده وقلبيه شوي حاسبي مايحترق الثوم
ويكون انتي مغسله الرز ومنشفته من الماء
حطي الرز على الزبده وحركي مدة دقيقتين على نار متوسطه او عاليه بس اهم شي يشقر شوي لون الرز يتحمص بس حاسبي مايحترق
المهم صبي الماء خلي الرز يستوي وحاولي يكون الماء شوي اكثر عشان نبي نسوي الرز لين شوي
وبعدين اضيفي مرقة الدجاج والسبانخ وحركي لي مايستوي الرز اذا شفتي الماء نشف والرز ماستوى لسى
اضيفي ماء ساخن واستمري بالطهو
واضيفي بقيةالمكونات المذكوره من جبن وكريمه وحركيهم شوي وسكري النار
مقادير الدجاج
دجاجه وحده مقطعه
ملعقة صلصة الباربكيوو
ملعقة دارك صويا صوص
ملعقة صغيرة دبس الرمان
ملح فلفل اسود كركم
ثوم وبصل مبشورين
زيت
........
هذي بعض الاضافات حطيتها لو تبين تحطينها براحتج ماتبين تقدرين تستغنين عنها انا حطيت الطرخون بس خرب الاكله وتحسفت وليتني ماحطيته بس انصحكم اتحطون
البقدونس مجفف
اوريقانو
اخلطي كل المكونات في وعاء صغير وادعكي الدجاج به جيدا
صفي في صينيه طماط شرايح وبصل وفلفل بارد اخضر وبطاط كلشي شرايح
وصفي فوقه الدجاج وخليه يستوي بالفرن بس غطيه بالقصدير بعدين اكشفي القصدير
وخلي الوجه يستوي يتحمر
بنات اللي ماتحب تحط اظافات كثيره بالدجاج
انصحكم تحطون بس بهاراتكم المفضله مع بابركيو صوص ودارك صويا صوص وبسسسسسس وزيت ثوم وبصل
وتستغني عن كل المكونات المذكوره
وهذي اهي صورت الطبق بنات اضغطوا على الصوره عشان تشوفونها بشكل كبير
صج ماعندكم ذوق