السلام عليكم ورحمة الله وبركاته
أخواتي الحبيبات بنات حواء ، جيتكم بطبق صيني جديد شفته بالتلفزيون
وطبقته والنتيجة جداً رائعة بالشكل والطعم
الطبق اسمه
دجاج مشوي بالصلصة الحلوة والحامضة
وهاذي صورته
المقادير والطريقة مع بعض:
أولاً تاخذين 4 قطع صدور دجاج أو دجاجة زنة 600 غرام وتخلينها من العظم
والجلد وتقطعينها مكعبات كبيرة
وتنقعينها في تتبيلة مكونة من:
ملعقة صغيرة كمون + ملعقة صغيرة دارسين + ملعقة صغيرة فلفل أسود +
3 ملاعق زيت زيتون + 5 ملاعق صلصة صويا + ملعقتين سكر أسمر
وتغطين الدجاج وتتركينه لمدة نصف ساعة
في هذا الوقت حضري صلصة sweet @ sour
ضعي ملعقة زيت سمسم في قدر على النار وضيفي له المقادير التالية مع التحريك
ملعقة ثوم وملعقة زنجبيل مفرومين + ملعقة طعام خل + 2 ملعقة طعام كاتشب +
3 ملاعق طعام ماء الأناناس + ملعقة طعام صلصة صويا + ملعقة طعام عسل + ملعقة
طعام نشاء مخلوطة بربع كأس ماء ... وحركي المزيج لحد مايثقل وارفعيه عن النار
معليش يابنات هاذي الخطوة ماصورتها لأن العمل فيها سريع
هذا شكل الدجاج بعد النصف ساعة
وبنحتاج لبصل أحمر مكعبات
فلفل أخضر بارد مكعبات
علبة أناناس صغيرة مع الإحتفاظ بماء الأناناس لعمل الصلصة
عيدان الشواء الكبيرة منقوعة بماء لمدة نصف ساعة
تشكين بالعود حبة أناناس + قطعة دجاج + فلفل + قطعة دجاج + بصل + قطعة دجاج
وتحطينهم بصينية وتدخلينهم الفرن من أعلى فقط لمدة 20 دقيقة .. بعدين تقلبينهم
على الوجه الثاني وتدخلينهم الفرن مرة ثانية لمدة 20 دقيقة
وهذا الشكل النهائي للطبق ، أنا قدمته مع صلصتين اللي عاليمين صلصة تايلندية
حارة ... واللي عاليسار صلصة sweet @ sour اللي حضرتها مع الطبق
هاذي صورة ثانية من قريب
إذا تحبون الأكل الصيني جربوا هالطبق وإن شاءلله بيعجبكم مثل
ماعجبنا
تسلم يدك
الله يسعدك أكتبي لنا مقادير الصلصه التالينديه الحاره