هاذي طريقة عمل دجاج مشوي بكيس الفرن
المقادير وطريقه التحضير
1 دجاجه
غسلتها وتركتها ينزل منها الماء
2 بطاطا كبيره
4 كوسه
2 جزر
قطعتها قطع كبيره ( بس حسيت ان كميه الكوسه كثيره ممكن تقللي منها )
1 بصل كبيره
6 فصوص ثوم مهروس
1 ملعقه كبيره زنجبيل مهروس
1 قرن فلفل مفروم ناعم
قطعت البصله ارباع وبالنسبه للزنجبيل والثوم انا قطعتهم بالسكين بس الافضل انهم يكونو مهروسين ( ممكن تقللي كميه الزنجبيل لانه حسيتها كثيره )
2 ملعقه كبيره زيت زيتون
ربع كوب عصير ليمون
1 ملعقه كبيره خل
2 ملعقه كبيره كاري
1 ملعقه صغيره كمون
1 ملعقه صغيره كزيره ناعمه
1 ملعقه صغيره كركم
2 ملعقه صغيره ملح
ربع ملعقه صغيره فلفل اسود
1 ملعقه صغيره بابريكا
نصف ملعقه صغيره فلفل مجروش
خلطت الثوم والزنجبيل وقرن الفلفل مع جميع البهارات وبعدها اضفت السوائل
رجعت للدجاجه
عملت فيها ثقوب في اماكن متفرقه جهة الظهر والبطن
وبعدها دهنتها من خلطه البهارات وحطيت داخلها قطع البصل
بعدها حطيت الخضار في وعاء واضفت عليها الكميه الباقيه من خلطه البهارات وقلبتها
حضرت كيس الفرن .... رشيت داخلها شوي طحين
حطيت الدجاجه داخلها وبعدها وزعت عليها الخضار واغلقتها بالشريط الي يجي مع الكيس
نقلت الكيس لصينية فرن وقطعت الزياده من كيس الفرن فوق الشريط بشوي وعملت فيها عدة ثقوب في الاعلى باستخدام شوكه ( من تعليمات استخدام كيس الفرن )
وبعدها دخلتها الفرن ( احتاجت تقريبا ساعه ونصف داخل الفرن )
ولما طلعتها من الفرن قطعت الكيس بشكل طولي ونزلت الدجاج والخضره في طبق التقديم
