السلام عليكم ورحمة الله وبركاته
أخباركم ياحوائيات .. ياغاليات ؟
اليوم معاي لكم طريقة دجاج مشوي بصوص الباربيكو .. تشوينه في فرن البيت ..
بدون فحم ووسخ وبرد في الحوش ههههههههه >> هذا المهم
تجهيز التتبيلة :
في الخلاط
ثلاث أرباع كأس سفن أب
علبة زبادي
8 سن ثوم
نصف كأس من صوص الباربيكيو ( استخدمت حق أمريكانا)
4 ملاعق طعام صلصة
ملح
بهارات (فلفل أسود / كركم / بابريكا / بهارات مشكله من اسناد /
مهران الباكساني ) تقريباً ملعقة صغيره من كل واحد
فلفل أحمر وأخضر بارد مقطع صغار (ممكن تستخدمين نوع واحد )
بيالة زيت دوار الشمس
ملعقتين صلصة صويا ( استخدمت المعتدلة )
حبتين ماجي أصفر
بتطلع معك خلطة زي الفول وتميل للإحمرار >> حاطه فلفل أحمر
حطيها في علبة بلاستيك واتركيها ربع ساعه حتى تتداخل مع بعضها
في هذا الوقت غسلي الدجاج ( أنا كنت حاطه 4 دجاجات ) واقسمية بالنص .. وسوي فيه شقوق عشان تدخل التتبيلة
ثم تبيلها بالتتبيلة اللي سويتيها قبل .. حاول تدهنيها كلها .. فوق وتحت والمفاصل ودخليها في الشقوق
وحطيها في قدر كبير أو بلاستيكه كبيرة
وحطي عليها باقي التتبيلة وسكريها ودخليها في الثلاجه .. كل ماطولت في التتبيل كانت ألذ أنا أتبلها في الليل أو الصباح وإذا جا بالليل شويتها
لما تجين للشوي ..
هاتي صينية كبيرة وحطي فوقها الشوايه وحطي الدجاج فيها وقفليها ودخليها الفرن وشغليه من فوق وكل شوي أقلبي الشواية لحد ماتستوي
تعرفين إنها مستويه لما تغرزين سكينه فيها وتدخل بسهولة
اللي مالها خلق تتابعها تغلفها كرويس بقصدير وهي في الشوايه وتدخلها الفرن وتولعها من تحت وتخليها من ساعه إلى ساعه ونص تقريباً ثم تحمرها ..
أنا استخدمت الطريقة الأولى .. بدون قصدير
فائدة الصينية اللي تحت .. تحفظ الفرن من الإتساخ ويبقى فيها المرق وكل شوي خذي منه وصبي على الدجاج حتى مايصير يابس
يتبع .. بإذن الله ..
وهذي صورة للسفرة كامله
طريقة الرز بالخضار .. أخذته من وقت السعادة في منتدى ثاني
هذي صورة الرز
استبدلت الفلفل الأخضر بأحمر
وهذا صحن مع الدجاج ( أخر القدر فما طلعت الخضار واضحه )
وهذا الدجاج مره ثانية .. حطيته في حافظ ومعاه فنجال زيت وفيه فحم ..
يممي ع الطعم
دعواتكم لي ولأحبتي
لاتنسي يقول الملك " ولك بالمثل "