بسم الله الرحمن الرحيم
السلام عليكم ورحمة الله وبركاته
كيف حالكم بنوتات ان شاء الله بصحة وعافيه
اليوم بقولكم طريقة دجاج مشوي لذيذ
اذاجربتوه ماراح تندمون بالعكس راح تعتمدونها على طول
وعلى فكره انا ماقلت كذا عشان امدح الموضوع بس للأمانه انه مجرب وانتواجربوه وبتقولون نفس الكلام
ماأطول عليكم ألحين نشوف المقادير؛
مقدار التتبيله:
1ليمونه بقشرها
قليل من البقدونس والكزبره
2م معجون طماط
2فص ثوم>>>>>انازايدة على كذا عشان يبان اكثرلأني مسويه لدجاجتين
رشه بهارات >>>لاتكثرين منها لأن الفلفل الأخضر بعطي حرارة
ملح
نصف كاس خل
فلفل أخضرواحد او ثنين حسب حرارته
شوي ما
الطريقه:
توضع جميع مقادير التتبيله في الخلاط ويفضل تقطيع الليمون ليسهل علينا خلطه ثم تخلط ونغسل الدجاج وتتبل
لسلعة او ساعتين وكلما طالت المدة افضل للتتبيلةاو بالأمكان وضعها في الثلاجه يوم كامل..
اتركم مع الصور
رقم 1 شكل الدجاج وهو متبل
رقم 2الفحم لما جهزناه
رقم 3الدجاج ع الفحم>>>>>آه على ريحة المشوي
رقم 4الدجاج وهومتحمر مع التقليب المستمر
الحمص جاهز زيناه بالزبدة وشوي زيت زيتون ورشة سماق
الصحن الثاني هذا الدجاج بعد الشوي شوفوا كيف يشهي
وفي الوسط صحن السلطه وتحت صحن سمك نفس التتبيلة بس مقلي وجنبه بطاطس مقلي
--------------------------------------------
السلطه:مقدار من الطماطم
والخيار والبصل والكرنب (الملفوف)
مع الملح والخل وشوي ليمون ورشة سماق
طبعا المقادير تقديرية منك على حسب مايكفيك
التقطيع كان على شكل شرائح طوليه رفيعه مثل ماهي الصورة
هاذي عينه أوضح لكل شي والباردالي في الصورة لأول وحدة ترد علي صحتين على قلبها
ملاحظة:اللي تبي تضيف طعم آخر لذيذمع المشوي تقطع مقدارالبصل والبطاطس بعد تقشيرهم والطماطم الى شرائح طوليةمع
أضافة الملح والبهارات زالصلصة وشوي زيت وتضعهم في قصدير وتسكر عليهم وتوخليهم على الفحم لحد مايستوون وتقدم مع المشوي
صحتين وعافيه
تحياتي:أختكم قطرات الندىKSA
دعواتكم لنا بتسهيل أمور فلتنا..
