دجاج وبطاطس بالفرن لكن طعم غير

هلا بالأخوات....... الكمية طبعا مااقدر احدد
المقادير والطريقة ... دجاج يقطع صغير طبعا (بدون )ماتشيلين الجلد والعظم مهم
جيبى بصل انا احط وحدة متوسطة وحطى ثوم مقطع صغير ثلاث فصوص مثلا على
حسب كمية الدجاج وكشنى للبصل والثوم وبعدين حطى شوى ماء وحطى البهارات
( ملح. كمون مطحون. بهارات مشكلة مطحونة واهم شئ كركم علشان يعطينا اللون
الأصفر) وبعدين حطى الدجاج ولازم الماء يادوب يغطي الدجاج ( مهم) وطبعا ذوقى
المرق علشان تضبطين الملح وخلى الملح شوى طالع
اذا استوى الدجاج طلعية وحطى بدالة ( بطاطس مقطع حلقات وسط) الكمية الى ترغبينها ونفس الشئ الماء خلية يادوب يغطي البطاطس ولاتنسين اذا الماء نقص
زيدية لكن لاتكثرين ولاتنسين تضبطين الملح بعد
بعد مايستوى صفيهم بصينة مع الدجاج ودخليهم الفرن ولازم يتحمرون زين
وقدميهم مع الرز الأبيض لذيذ مررررررررة جربوة وماراح تندمون :)
ولاتنسونى من دعااااااااااااااااائكم بظهر الغيب