دجالين "تحت غطاء الدين

السلام عليكم ورحمة الله..

يقول الله سبحانه وتعالى : (قل لا يعلم من في السماوات و الأرض الغيب إلا الله و ما يشعرون ايان يبعثون ) النمل٦٥

وقال سبحانه وتعالى في سورة الأنعام ٥٩ ( و عنده مفاتيح الغيب لا يعلمها الا هو )

وعن أبي هريرة رضي الله عنه أن النبي صلى الله عليه و سلم قال (من أتى عرافا أو كاهنا فصدقه بما يقول فقد كفر بما انزل على محمد )


اللي خلاني انزل الموضوع أمر غريب تفشى ’’مؤخراً‘‘ في الفضائيات مثل ’’كنوز‘‘ و ’’شهرزاد‘‘ وهي استضافة دجالين ’’متخفين‘‘ تحت عباءة الدين.. .. ويطلبون من المتصلين اسماءهم واعمارهم واسماء امهاتهم.. !! pb036 .. والمؤسف ان عدد كبير من النساء والرجال من دول الخليج يتصلون ( مادري لهالدرجة ساذجين وما يدرون انه حرام!! ولا يدرون والامر عادي عندهم pb036 ) اللي تشتكي من مرض واللي تبي تشوف نصيبها واللي تسأل عن مستقبلها ....... ... وكل من اتصل قالوا له مسحور !!

يعني اول مرة يمر علي شيخ دين لابس "تي شيرت" ولا يقعد جنب مذيعة ’’متبرجة‘‘ على سنقة عشرة..!!
وللاسف انهم يوهمون الناس بان عملهم مافيه دجل أو استعانه بالجن .. وهالكلام طبعاً مشكوك فيه لانهم يقولون لبعض المتصلين شبيصير فيهم مستقبلاً أو شصار لهم قبل والغيب ما يعلمه الا الله .. فـ السالفة مبينه ان فيها تعامل مع الجن..

ولا بعمركم شفتوا شيخ دين ما يعرف يقرى الايات بشكل صحيح ويغلط في الكلمات والحركات!!

المشكلة انهم متسترين تحت ايات القرآن والناس مصدقينهم!! مع ان الرسول حذر من التعامل منهم ويعتبر كفر بالله.. فالحذر من التعامل معهم..


تحياتي