ذاك اليوم كنا رايحين كار فور الا شفت هالمزيون محطوط عالرف
قلت باخذه بسوي فيه دجاج او لحم
توكلنا على الله وشريناه
نسيته كم يوم بعدما اشغلتنا الظروف يارب اشفي محمد وبنتي يارب
وطرى علي اول امس اطبخ فيه
جهزت الدجاج وتبلته
والخضار قطعتها
بصل وطماط وبطاطا وكوسا وحبة فلفل اخضر حار
في الفخار حطيت البصل وفصين ثوم
فوقه البطاطا
فوقه الطماط والكوسا والفلفل
وفوقهم الدجاج المبهر
وكوب ماي مضاف له ملعقة معجون طماط وملعقتين زيت زيتون وملح وفلفل اسود وثوم بودرة ورشة زعتر
فوق الدجاج كزبرة مفرومة
توني بغطيه الا لقيت شرخ في الغطا:22:
قلت عاد هذا وقته
خسارة ما نتبهت اول ما اخذناه
المشكلة انهم قطوا الفاتورة
قلت اجرب واحطها على نار هادية
ما خذت شوي الا اسمع صوت طك هههههههههههه
على طول شلته وحطيته في فخاري القديم يحليله
اتخيله استانس لاني رجعت له:)
ومثل ماهو في الصورة لا قصدير ولا شي حطيته بالفرن 200 درجة ولمدة ساعة
رووووعة والريحة ياسلاااااام
وقدمته مع العيش الابيض والخبز
الاولاد يحبون العيش اكثر من الخبز
صحني
لذيذ مع الخبز والجرجير
والحمدلله الذي رزقنا هذا من غير حول منا ولا قوة
:26: