بنات ...
امس جربت طريقه غريبه شوي لشوي الدجاج داخل الفرن ..
والطريقه جبتها من المنتدى .. هي تطبخين الدجاج داخل الفرن على غراش البيبسي ...
اول شي تبلت الدجاج ( بيبي شيكن ) من الليل وحطيت عليه كل البهارات الي عندي وليمون وخل ابيض شووي وثوم وملعقتين روب .. وخليته في الثلاجه .
اليوم الثاني احضرت زجاجتين بيبسي فارغه ..وحطيت في كل وحده ماي يعني تقريبا الى المنتصف .. وثبت الدجاجه عليها يعني وين المكان الي نحشي به الدجاجه
خليته داخل الزجاجه وقفتها ..متخيلين الشكل معاي ...للاسف ماصورت الطريقه من البدايه .. يعني رجولها تحت وجناحها فوق ..
وحطيتها في قالب وحطيت حولها خضار ..وطبعا ماحطيت قصدير عليها ولا غطيتها باي شي ...
وتركتها داخل الفرن لمده ساعه ونصف ...
لما طلعتها ..مااشاء الله استوت عدل وكل الزيت نزل منها وطعمها لذيذ جدا جدا
ومافيها اي دسم ...
وطبخت رز اصفر عادي وحطيت السلطه والرطب .. وماشاء الله انكل كله
واهم شي عجب ابو الشباب .. وعيالي الله يحفظهم اللي مايعجبهم شي
والدجاج ماشاء الله طلع خفيف ومافيه دهن كلش ...لان كل الزيت نزل من الدجاج وهو واقف على غرشه البيبسي ...
وهذي صوره الدجاج بعد ماطبخته ...بصرااااااااااحه لذيذ جدا
الحمد لله رب العالمين وايد استفدت من هالمنتدى ...ويني عنه من زمان
