الجو رائع
برد ومطر وخضرة ووجه حسن:)
يساعد ويشجع ان الواحد يفكر بطبخة حلوة ولذيذة
نحتاج الى
دجاجة مقطعة من جهة الصدر فقط
ونسوي فيها شقوق
وندعكها بملح الليمون فقط وندخل ما بين الشقوق
واخر شي رشيتها ببودرة الدغوس
حطيت معاها مشروم فرش + حبة فلفل حار + بصلة وحدة مقطعة نصين + طماطة وحدة +4 فصوص ثوم غير مدقوق+ بطاطا مقطعة
ودخلتها الفرن بدون قصدير لمدة ساعة درجة الحرارة250
في هالاثناء
نطبخ العيش
جهزت المواد المطلوب اضافتها مع العيش
مشروم فرش + حبة فلفل حار + طماطة
الفلفل شلت البذر منه عشان ولدي فديته ما يقول حار
بس بعد طلع حار:)
حمست المشروم والفلفل بقليل من الزيت
وبعدين ضفت عليه
ملح + ليمون اسود بودرة + هيل مطحون
نضيف حبة الطماطة المقطعة ونحرك
نضيف الرز وفوق الماي ونخليه يطبخ
وبعد الغدا لازم دخون
باريس نوفمبر 2009