اول شي قولو ماشاء الله :)
امس قررت اسوي دجاج مشوي اللي في القوارير كان نفسي اجرب الطريقه
اخذت دجاج وغسلتها بالخل
وحطيت في الخلاطه :
بصل
فصين ثوم
فلفل رومي
علبه صلصه كامله
شويا كتشب +خل وليمونه +بهارات
خلطتها سوى بعدين سويت شقوق في الدجاج وتبلتها وحطيتها
في صحن وغطيتها في التلاجه <<دا الكلام في الليل
اليوم في الظهر جيت احط القاروره ما زبطت معايا طلع انها توصل للسقف
قمت اخذت صينيه وحطيت فيها مويا ربعها وحطيت فيها بهارات وحبتين هيل وقرفه +بطاطس وفلفل رومي
وغطيتها بقصدير وجلست في الفرن لين حسيتها استوت
نزلتها وكبيت المرقه لانها مليانه زيت من الدجاج وخليت بس شووويا لاتذكر رجعت الدجاجه والبطاطس والفلفل الرومي مسحت الدجاج بصلصه +شويا زيت +بهار >>ودا اللي يخليها تحمر
حمرتها من الجهتين بدون قصدير طبعا
وطلعت هذي النتيجه الحمدلله عجب اخواني قالولي والله احلى من المطاعم
دعواتكم الله يسهل امري :happy::luvkiss:
وان شاء الله يكون موضوعي مفيد