د.جيهان محمود وصدمتي منها

السلام عليكم ورحمة الله وبركاته

انا حامل في نهايه الشهر الثالث الله يتممه على خير وامس كان عندي موعد مراجعه مع دكتوره جيهان محمود في مجمع السامريه النسيم بجدة
هي طلبت مني اسوي تحاليل وامس رحت عشان نتيجة التحاليل والله يسامحها ماخلت دواء بالصيدليه الا كتبته ليا والله استغربت من كميه الادويه وبتقولي معاكي التهابات مع العلم انها ماكشف نهائيا بس من تحليل البول عرفت انو معايا التهابات ولما شفت نتيجه التحليل صحيح مكتوب بكتيريا في البول بس مافي اي شي عن التهابات المهبل المهم وعطتني تحاميل مهبليه تقول استخدميها كل ثلاث ايام لين تولدي وغسول ملحي مرتين في الاسبوع وغسول زي الصابون سائل برضه مرتين في الاسبوع ومضاد حيوي فوار عشان التهاب البول
المهم انا ما اخذت ولا شي لانها ماكلفت خاطرها اقول اشربي مويه او تعالي اكشف اتطمن كان كل همها بس انزلي خدي الادويه علما ان التحاليل كلفتني حوالي الالف ريال وتقولي تعالي الشهر الجاي نعيد التحاليل واستمري على الادويه كلها لحد ماتولدي وانا الحمدلله مابحس لابحرقه ولا حرقان ولا اي شي ومن يوم حصل الحمل مافي جماع
ارجو اللي مرت بحالتي تفيدني وتفهمني ايش حكايه التحاميل لان كل اللي اعرفهم يقولوا ماهي زينه وزوجي تعب من مصاريف هالدكتوره وماعندي امكانيه الان اروح لدكتوره ثانيه لانها شفطت جيوبنا الله يسامحها.