حبيباتي احلى حوائيات في الدنيا...مشورتكم أول شي جا فبالي....لا تخيبو أملي الأول والأخير....
:44:
أنا مرررة ما أحب أهرج عن مشاكلي الخاصة مع اي احد ... بس حسيت اني احتاج لمشورة بعد ماتقطعت بي السبل....
ياستاتي اختكم متزوجة لها سنتين ونص تقريباً...عندها طفلة عمرها سنة ونص وحامل لي 3شهور...الحمدلله وضعي انا وزوجي مستقر نوعاً ما...إلا انه في منغصات اتوقع اني ما أقدر اتحملها اكتر من كدا...
منها انه يدخن...للعلم هو يدخن خارج المنزل بس انا رافضة مبدأ التدخين لأنهماكان يدخن اول ما أتزوجنا...وبعد فترة خمسة شهور رجع للدخان بعد صدمة الحادث اللي حصلتلنا....
ثاني شي أصحابه في كل وقت معاه لومو في خرجات على التليفون يتكلمو؟؟؟!...
شي مرة يطفش...
يعني خرجاته مررررة كتيرة...يجي من الدوام لوكان دوامه مساء ياكله لقمة ويخرج....ولو جلس في البيت ياعلى التلفزيون ياعلى النت....كمان شي يطفش....
طبعاً دي المشاكل من اكتر المؤرقات والمنغصات في حياتي....
ابغى رأيكم؟؟وشورتكم...
لحظة في شي كمان...
أنا كنت ساكنة عند اهله في نفس العمارة _في الملحق_ كانت شقتي نوعاً ما جيدة..بس لما جا المطر حست وحاس بيتي مررررة...يعني غرق بالمويه واتبهدل عفشي...طلبت منه نصلح البيت قال لا نأجر برة اقلها اكون اقرب لدوامي...أنا ماصدقت الفكرة قلت طيب...
دحين انا بيتي هدا صغير...اللي هوا الايجار...فأيش رأيكم اخد بيت اوسع ولا ارمم بيتي القديم واظبط فيه....
مع العلم عندنا قدرة مادية متوسطة أو فوقها بشوية لتوفير الإيجار..
فأيش رأيكم؟؟
كمان في مشكلة...أحس ان الحياة الزوجية اللي حلمت فيها مو هادي الحياة اللي انا عايشتها....
كنت زمان قبل ما اتزوج نشيطة جداً والكل كان يزكيني...نشيطة فكل الانشطة الدينة والاجتماعية...
بعد ما تزوجت صرت ما اروح ولا اجي ولا اشارك فأي شي...هدا شي مررة يضايق....كمان على الصعيد الشخصي...كنت اصوم طول السنة لمدة 8 سنين الآن يادوبي رمضان والستة البيض بس...والصلاة الله المستعان...بالعافية اقدر ءأديها...ما أدري هوا فتور ولا ايش...
غير كدا فحملي فبنتي بعد 7 شهور اضطريت اترك العمل ..دحين لا شغلة ولا مشغلة...كأني خدامة ودادا...وبس...زوجة بعض الأحيان...!!!وأنا المبادرة دائماً...
هدي قصتي...
بليز اللي عندها قدرة على مساعدتي لا تتأخر أحتاجها وبشدة...خايفة اتخذ قرار مو فمكانه...!
بلغ السيل الزبى...
:(
ولكم مني الشكر سلفاً
:26:
يلزم عليك تسجيل الدخول أولًا لكتابة تعليق.
الأخصائية المبدعة
•
بليز انتظر ردودكم على احر من الجمر...
زائرة
•
الله يهديه ويسخره لك
والله ياحبيبتي انا ما اشوف عندك اي مشاكل انتي مكبرتها شوي
اذا يدخن اغلب الرجال يدخنوا .... بس المهم ما يدخن عند اطفالك
اذا يخرج كل الرجال يخرجوا مع اصحابهم ودايما جوالاتهم ترن
اذا ما يجلس معاك يمكن زوجك شمالي .... ما يحب كثرة الكلام ولا السواليف مع الحريم بشكل عام لان من وجه نضرهم سواليفنا مالها معنى
<< يعني طبيعي والله ما اشوف ان الرجال مسوي مصيبه الله يهديك لا يلعب الشيطان في افكارك
اذا يدخن اغلب الرجال يدخنوا .... بس المهم ما يدخن عند اطفالك
اذا يخرج كل الرجال يخرجوا مع اصحابهم ودايما جوالاتهم ترن
اذا ما يجلس معاك يمكن زوجك شمالي .... ما يحب كثرة الكلام ولا السواليف مع الحريم بشكل عام لان من وجه نضرهم سواليفنا مالها معنى
<< يعني طبيعي والله ما اشوف ان الرجال مسوي مصيبه الله يهديك لا يلعب الشيطان في افكارك
الصفحة الأخيرة