دخلتي التاسع وطفشتي وودك تولدين تعالي اقول لك ايش تسوي

السلام عليكم يالحوامل الله يفرج عنكم يارب ....انا ولدت قبل ثلاث شهور :pولدت في الاسبوع التاسع والثلاثين اقلكم السالفة ...كنت جالسة طفشانة وخايفة اترقب الولادة:29: الا دخل علي ابو الشباب :arb: وجلست امزح معه انت ماودك تولدني جلس يضحك المهم صار اللي تعرفونه وبعدها صار بطني يشد ماحسبت اني باولد وصار يجيني طلق بس على خفيف مو مؤلم هذا كان الساعة 10 بالليل قمت اتسبحت وخليت الموية الدافية والمائلة للحرارة تجي على بطني وظهري بعدين صار الطلق يجيني وانا مكذبة نفسي لانه كان خفيف مو قوي قلت اكيد تقلصات كالعادة اللي تجي بالشهور الاخيرة المهم قمت حطيت تحميلة من تحاميل الاطفال لان كان معي امساك وانتم بكرامة وسويت لي يانسون شربت فنجان واحد بس واكلت رطب وشربت موية زمزم كانت عندي كنت قارية عليها ايات تسهيل الولادة وسورة البقرة وانا جالسة في الغرفة وابو الشباب يطالع في التلفزيون اقله معايا الم لايكون طلق قال لا ياشيخة انت دايما تعدين شهرك وهذا كان حملي الثالث بس كان الطلق خفيف مو مثل حملي الاول والثاني المهم جيت وجلست معه عالتلفزيون ويجيني الم وانا مكذبة نفسي مو طلق ماراح اولد مستحيل المهم جات الساعة 1 راح زوجي نام وانا جالسة جات الساعة 3 حسيت الالم صاير كل خمس دقايق رحت اصحيه قوم ودني المستشفى خلنا نشوف لا يكون ولادة قال ياشيخة مافيكي ولادة نامي بس:angry2:جلست الين 3 ونص رحت صحيته قوم خلينا نروح واذا مافي ولادة نرجع المهم رحت المستشفى دخلت عالطبيبة قالت خلاص ولادة الرحم فاتح 6 سم انا صار جسمي يرجف من الخوف:eek: ونادت السستر وطلعت الكشك واستقبلتني السستر وقالت يلا مدام البسي هذا ولبسته وانا ميتة خوف:29: جلست عالسرير وجت الدكتورة وكشفت علي يوه مرة يوجع حسيت روحي طلعت قالت لي لو حسيتي بطلقة جايتك قوليلي عشان اكشف عليكي قلت طيب المهم جاتني الطلقة وناديتها واثرها جايبة معها الحديدة اللي تفقع موية الراس المهم دخلت يدها ودخلت الحديدة وفقعت موية الراس وانا صرت اصيح من الرعب :06:وبدا الالم القوي بعدين جات وكشفت علي كان وقتها صلاة الفجر اسمع الاذان وقاست وقالت 8 سم يلا ولادة انا ماصدقت نفسي وصرت امشي لين الكشك وانا اراجف :08: المهم طلعت فوق السرير وصارو يقولو لي ادفعي يلا مدام بوش وانا خلاص ماني قادرة واشفط في الاكسجين والله مو مؤثر وفي الاخر طلعت بنتي الله يحفضها ونسيت بعدها كل شي وخدرتني وخيطتني وبس وتوتة توتة خلصت الحدوته