هههههههههههههههههههههه
موتوني ضحك خاصة الحامل ياقلبي عليها تحزززززززززن:(
الحمد لله ماصارلي مووقف مع اصحابة

صارلي موقف مرة صدق تفشلت .. انا ساكنة بملحق فبيت اهل ريلي .. المهم

ريلي راح اييب اخته من بيتها لعندنا .. وكنت بروح مشوار لبست عباتي واتريت ريلي.. ويوم وصل واخته نزلت وهو يترياني بالسيارة

ايي اخوه المتزوج ويكلمه وهم عند السيارة .. انا اتريت فالحوش لين ما يدخل اخو زوجي ما حبيت اركب وهو موجود .. ويوم انه بيدخل .. وقفت وراباب الحوش بحيث انه يمر .. هو شافني ويحسبني اخته اللي يت .. طبعا انا وياها تقريبا نفس الطول ونفس لبس العباة ( عباة راس وقفازات ونقاب) < يعني ما يبين شي .. ولا بيقدر يعرف هي اخته ولا غيرها ..

ويا مد يده بيسلم ويقول اهلين (فلانة) < اسم اخته.. وانا من الفشلة نزلت راسي ولا تكلمت:35: .. وهو مستغرب شو فيها ساكتة < انرحم ><" ..

بعدين استوعب اني مب اخته .. هههههههههه .. وراح في حال سبيله.. < حسيت بعد هالموقف اني هبلة .. انزين اتكلمي قولي انا مب فلانة .. قولي شي ليش ساكتة؟؟ ههههههههههه..



والموقف الثاني.. كنت بروح الصالة عند عمتي .. كانوا هناك خوات ريلي .. والحمد لله كنت بالمخور والشيلة .. دخلت الصالة .. وعلى طول اسمع اخو ريلي الكبير وهو ياي الصالة .. عاد انا اوني بشرد وبروح غرفة البنات .. ركضت دخلت الغرفة الا اخو ريلي الثاني راقد في الغرفة ^^" ..انا ما عرفت شسوي اتم داخل ولا اطلع < صار حصار ههههه..

آخر شي سكرت باب غرفة البنات وانا برى .. وخليت ويهي مقابل الباب وظهري للصالة .. واخو ريلي مر من الصالة وراح غرفة امه .. وانا واقفة صنم < شكلي كان يضحك.. وخوات ريلي عقب ضحكوا علي .. وانا معصبة .. ><" .. بس اشوى ان ريلي ما كان موجود .. ولا كان بتصير سالفة .. ههههههههههه


وموقف ثالث < يا كثر مواقفي ههههه..

كنت بالصالة فبيت عمتي وكانت هناك خالة ريلي وخواته ويالسين في سلام .. وشوي يدق الباب اخو ريلي الاصغر < كان عنده خبر اني موجودة .. وتفتح الباب اخته الصغير صف ثاني اعدادي.. واتقوله ادخل عادي محد موجود < انا كنت احسبه تستهبل مب مستوعبة :eek:.. ودخل مسكين على اساس محد موجود وانا غطيت ويهي بالشيلة اللي ع راسي .. وهو شافني وطلع .. بعدين استوعبت اخته .. وتقول اوه والله نسيت وتضحك ههههههه.. وهو من ورى الباب يسبها ويتلعن فيها:angry2: .. ههههههههه

عندي اكثر من موقف الله يهديني دائما متسرعه بالدخله والطلعه

مره كنت رايحه الشرقيه لاختي وبيتها كبير ما شاء الله

طبعا انا دائما مع الشباب اكثر من البنات لان اعمارنا متقاربه

فكان المكان الرئيسي لقعدتنا المجلس مجلس الرجال خخخخخخ

طبعا هم الشباب عيال اختي يحاولون قدر المستطاع انهم ما يعزمون احد

لما اجي عشان يستانسون بجيتي

لدرجة اني انام بالمجلس بعد السهره

وعيالي مع البنات ينامون معهم

مره من المرات كنت متغطيه باللحاف وكنت سهرانه

وتعبانه وما اشوف قدامي

الشباب كل واحد على غرفته ما بقى الا انا

رحت المطبخ اشرب وارجع انام

الا ادخل المجلس واشوف واحد قاعد

توقعت انه ولد اختي الكبير

رحت جمبه اقول له وخر ابي انام هذا مكاني

دائما هذا اسلوبنا طق حركات

الاخ ما اشوفه الا وهو منزل راسه وينادي اختي ويتنحنح

وانا مصره وبعيني نوم

ايه ناد امك وش تخوفني انت ووجهك اقول لك وخر لا يجي الرموت على راسك

مصره مره وبقوه ومو متنازله عن لحافي طبعا الجو كان بارد

بعدين قمت اناظره الا اشوف مين طلع

طلع زوج اختي طبعا عياله كلهم شبهه مره وانا بعيني النوم

فشللللللللللللللله

طلعت وانا ميته من الفشيله

الا واختي بيدها صينية الشاي والقهوه

الا تقول لي عسى ما دخلتي عند رجلي

قلت الا وهددته بالرموت بعد

طلع الرجال لمحني عند المطبخ فشرد من الباب الخارجي للحوش ثم المجلس

على باله اني باكل بالمطبخ وتوني قاعده من النوم

............

الموقف الثاني

كنت اتسبح بحمامي

جاني زوجي يخبرني ان عنده احد

بس ما انتبهت وش قال بسب صوت الرشاش

فقلت له اوكي اوكي قاعده اصرفه

بعد ما خلصت لبست وتزينت وسويت لي كوفي كل هذا وانا

ما ادري ان عندنا احد

ويا حلاتي و انا شعري مبلل ولابسه ومتزينه

كان ادخل عليه وعلى ثلاث من ربعه المجلس

دائما ربعه يجلسون بالجهة الثانيه من المجلس يعني

مو مقابلين الباب

فأنا دخلت والا اشوف زوجي بوجهي

تغير ألوان وجهه ويأشر الا وانا مخلصه وداخله

بكل اصرار

اقول له تبي كوفي وانا ماده يدي له يعني وصلت الين عنده

ما اشوف الا وهو يدفني

طبعا انا ما شفت من الي عنده

بس من الخرعه طلعت وبعدها طلعت بالحوش

اعد النعل طلعوا ثلاثه مو واحد وبس

وهاااااااااات يا صياااااااااح ليلتها

ومن يومها لما اكون بالحمام كرمكم الله

بس يكلمني اسكر الرشاش وافتح الباب اشوف وش يبي هههههههه

الموقف الثالث

حماي اخو زوجي

كانوا اهله مسافرين وهو متزوج ومعه زوجته بنفس البيت

ما في بالبيت الا انا وزوجته

قلنا بالنظف البيت قبل رجوع اهل زوجي من السفر

وانا جايه ولابسه تنوره خفت على التنوره وقت التنظيف

فعطتني زوجته جلابيه من جلابياتها

كنت انظف بالمطبخ الا واشوف احد حاط ايده على كتفي

يقول امووووت على هالنشاط

وانا ما تشوفون الا وانا ناقزه من مكاني من الخرعه

ودفه وافلعه بالكوب الي كنت اغسله بالماي الي فيه

كنت اتوقع ان هو يتحرش فيني عشان كذا دافعت عن نفسي

بعدين لما طلع انتبهت للجلابيه

شكله فكرني اني زوجته

راح قال لزوجته ان زوجة اخوي متوحشه

طيب انا غلطان ما عرفتها على بالي انها انتي

ليه تفلعني بالكوب ؟؟

قمة الاحراااااااااااااااااااااااااااااااااااااج

مواقفكم طريفه وخفيفه
بالنسبه لي أول ماتزوجت يعني توني ساكنه بيتي الجديد مالي الا شهرين ورايحين السوبرماركت أنا وزوجي نجيب أغراض للبيت
ومعي ورقة الطلبات وزوجي من النوع الغييييور ويكره اني اتكلم مع أي رجال حتى لو عامل أو صاحب محل يعني يكره الحرمه تتواصل مع الرجال بأي شكل حتى لو بقاله
المهم أنا كنت منسجمه مع الورقه وأشيل وأحط من الرفوف ومشغوووله مرّه
وزوجي معي يشاركني
مرّ من جنبنا المشرف على السوبرماركت يعمل جوله بالمكان ويتعرف على الزباين وهو سعودي ومتكشخ الرجال ثوب وغتره وعقال ومعه كمممم هائل من الرجال يوم مرّو من عندنا سلّم المشرف على زوجي السلام عليكم
بدون تفكير رديت أنا وعليكم السلام ورحمة الله وبركاته وسكتت ورحت أكمل باقي الورقه زوجي انهبل ومسكني وقال بعد ورحمة الله وبركاته عاجبه نفسك
أنا انتبهت للموقف ورفعت راسي شفت الرجال رايحييين وش كثرهم حسيت ان زوجي بيقول والله من قلّة الحيا
طاحت الورقه من يدي وجلست أصييييييح وأبكيييييييي وأنوووووح
وأحلف له اني مادريت ولا انتبهت وكنت ساهيه
المهم زوجي خاف علي جتني حاله هستيريه وصار يهديني ويقول لي خلاص يابنت الحلال ماصار الا الخير وأنا عارف انه ماكان قصدك
وأنا أنوووووووووووح وهو يهديني حتى قلت خلاص نمشي ومانشتري شي أنا ماعد أقدر أوقف على رجولي
ورجعنا للبيت مثل ماطلعنا
بس أنا كان هامني ان زوجي ماياخذ عني فكره شينه اني عادي عندي أسلم على الرجال بدون حيا
وسلامتكم