هههههههههه حلووة مواقف
مرة اخوية قال لزوجتة ان صديقة الحين بيجى وزوجة اخوية طيراااان تجهز القهووة
واخذت العطر وتروح لمجلس الرجال وتبخ من هالعطر وتبخ وتبخ فجأة حست باحد جالس طالعت فية
الا الرجال متفشل راسة فى الارض
الصفحة الأخيرة
كانت بنت أخت زوجي متعودة تبات في بيت جدتها وتسهر طول الليل ، وطبعا لما تزوجت ما راحت هذي العادة منها إلا ويابت زوجها معاها وكانو عرسان جدد...
وكان هذا أسوأ خبر بالنسبة لي لأني متغطية يعني طول الوقت لازم ألبس حجاب كامل جدام الريال الغريب :angry2: وبيت زوجي طابق واحد والغرف كلها تطل على بعضها وما كان فيه حمام بالغرفة اللي كنا أنا وزوجي فيها ..وأنا بنهاية الشهر التاسع من الحمل وبالدقيقة لابسة عباتي ورايحة الحمام الله يعزكم... يعني كلش الوحدة ما تقدر تاخذ راحتها :44:
المهم استقيظت من النوم الساعة 3 بالليل وعلى طول أبي أروح الحمام ، وإلا الأخت ليحين سهرانة على التلفزيون ، ناديتها وقلت لها إني أبي أروح الحمام قالت لي طلعي، زوجي نايم ، وعلى طول ركيض لي الحمام لا لبست عباية ولا حجاب وقلت لها تجيب عبايتي وحجابي لو زوجها قعد بالغلط..
ما خلصت من الحمام ووقفت يم المغسلة أشوف ويهي كعادتنا احنا النسوان إلا وأحد فاتح الباب على مصراعيه - من غبائي والعجالة نسيت أصك الباب بالمفتاح - إلا وزوجها داش علي والفقير هو اللي تخرع عباله جنية الليل طلعت له نص الليل وأنا صادتني صدمة وصرخت ، وكان علي قميص نوم الحمدل لله إنه كان طويل والحمدلله إنه ما جاء في وسط الشي:35:
لا والقهر يوم طلعت تطالعني بنت أخت زوجي بنظرات ودها تقتلني ، كأني سويت جريمة وكأني متعمدة أسوي جذيه ، وهي بس قاعدة تناظر في هذا التلفزيون ولا تدري عن زوجها متى قعد وقام..
وأنا على طول خبرت زوجي ، عشان ما تنقل خبر كاذب عني...بس يلا عدت على خير...