دخلت التاسع وكلي هموم وآلآم

الموضوع يمكن يكون غريب ولكنها الحقيقه

كل أم تفرح بقرب موعد ولادتها إلا أنا خايفه جداً ماهو من الولاده ولا آلا م بعد الولاده لا أجل ليش أنا خايفه ؟؟!!
أنا خايفه من الناس الي حولي ما في قلوبها رحمه
لأن ولادتي هذي بتكون بالبنت الخامسه لي والسادسه لزوجي من طليقته
والذي أرسى الجبال ومد البحار أن ماهو كره لي في هذي البريئه ولكن في فترة حملي وأول ما أستقبلوا أهل زوجي الخبر كان زي الصاعقه مايبغوني أحمل يقولون كفايه بنات كثرت عددهم في عائلتنا خلي الدور على.......(ضرتي )
وأنا قلت لكم قبل كذا أن أم زوجي يوم علمتها أني حامل قالت (الف مبروك إذا كان ولد وإذا كانت بنت أرميها ) يابنات كل ما أتذكر هذي الكلمه ما أقدر أمسك دموعي ولو كنت في أكبر تجمع وخاصه الحين وأنا مابقى لي وأفك الربط إلا أسبوع الحين قسماً بالله أني أكتب والدموع تنزل على الكاتبه من غزارتها أنزل راسي على الطاوله وإذا هدأت كملت الكتابه كله عشان أفضفض مما في قلبي لأن إلى الآن ماحد داري أن عندي بنت وزوجي ما أقدر أكلمه عن أهله هو يعرفهم زين ودايم يقول ما عليك من أحد ........
هم وجع فك الربط...........وهم الولاده .........وهم الوحده بعد الولاده .......وهم التربيه ..........وهموم كثيره
ولكن مازي همهم ومواجهتهم .......الكل راح يزعل حتى أهلي ولكن ممكن يحترمون وجودي ومشاعري لأني أعرف أنهم يتمنون لي الخير وفرحوا فرح شديد بخبر حملي أمل في أنه بيجي ولد
كل أم تجهز أغراض مولودها أما أنا إلى الآن ما جهزت لأني أخاف أروح السوق وأشوف تجهيزات الأولاد وأجلس أبكي زي كل مره ولازال عندي أمل كاذب في أنه ولد أما ثقتي بالله فوالله العظيم أنها لاتقدر بمقياس فهو القائل (أدعوا ني أستجب لكم ) وأنا من قبل أحمل وأنا أدعوه إنه هو البر الرحيم
أنا عارفه أن لو هذا الشي بيدكم كان كل وحده الحين بترحمني وبتعطيني ولد ولكنه بيد رب العالمين وهو أرحم الراحمين رحمته وسعت كل شي
طيب بتقولون أحنا أيش دخلنا في مشكلتك حليها بنفسك !!!!!!!!!!!
أقول صحيح ولكني أطلب منكم طلب أنت لك فيه أجر .أدعوا لي في هذه الليله المباركه ليلة الجمعه وفي الثلث الآخير من الليل أن اله يرزقني في حملي هذا أبن صالح ويقر عيني برؤيته سليماً معافا وأن يجعل بكري محمد شفيعاًلي يوم القيامه ويعوضني خيراً منه
وأن كانت بنت أن الله يهدي أهل زوجي ويستقبلونها أحسن أستقبال ماهو زي أخواتها
أسأل الله أن يفرج همي ويرزق كل وحده اللي تتمنى بصحه وسلامه