ركزي معي زين .. ادخلي لقاعة المحاضرة بدري شوي وطالعي حولك في البنات .. غالبا اللي تجي بدري تكون دافورة على قولهم يعني متفوقة + من النوع اللي يفضل الصداقة الثنائية .. شوفي شكلها وتصرفاتها إذا حسيت انها تميل للتدين فهذي اللي راح تفيدك في دنياك وآخرتك .. روحي اجلسي جنبها واسأليها عن أي شي مذكرة مثلا أو أي حاجة المهم افتحي حوار معاها واليوم الثاني نفس الشي واليوم الثالث جيبي معاك شوكولاتة واعطيها واليوم الرابع اعزميها في الكافتيريا وووو الناس تحب اللي يعطيها ويساعدها ..
يقول الشاعر :
أحسن إلى الناس تستعبد قلوبهم
فطالما استعبد اﻹحسان إنسان
والمقصود بالاستعباد طبعا المحبة والود وليس العبادة ..
وبكذا راح تقوى علاقتك فيها يوم بعد يوم وأهم شي تكون علاقتكم صداقة ومحبة في الله عشان ربي يوفقكم ويبارك فيكم ..
ولا تنسين السر في العلاقات الاجتماعية هو الكرم وتقديم المساعدة للناس ... الناس تجري وراء اللي يعطيها ..

الله يرزقك الصحبه الصالحه
دعواتك ربي يتمم قبولي في الجامعه

التعرف على الصديقات يبي له وقت
انا ما تعرفت الا على اخر سنة
كل البنات اللي تعرفت وجلست معاهم ماهم بكفو
ف انتي اهتمي بدراستك بالاول
ومع الوقات تلقين نفسك مكونة صداقات

والجامعة تتعب نفسيا
ضغط و تعب
ف انتي نظمي وقتك وراح ترتاحين

حبيبتي نصيحة / تذكري إن تغييرك لتخصصك لعلة خيرة لك من الله عز وجل ، وأحب اقولك حافظي على ذكر الله كثيراا
أستغفررري وسبحي بنية الشي إللي تبينة و واصلي
لا تملين وادعي بالبي خاطرك في جوف الليل
في الوتر او الضحى جدااا عظيمة
ولا تحيطين نفسك ب الفراغ بالجامعه ادخلي نشاطات مشاريع مع البنات وبإذن الله حبة حبة تتعرفين
احفظي كتاب الله عز وجل و داومي ع قرائته كلما شفتي نفسك فاضية صدقيني هو افضل صديق لك
بالدنيا والآخره والقبر بعد عمرررر طويل
شوفي ي عسل انا ما اقولك ذا الكلام كذا
ما اقولك إلا وانا جربتة و شفته اثره و راحتة على نفسي
لما تصلين ب الركوع حاولي تاخذين راحتك
ابكي اخشعي ادعي باللي خاطرك فية وتحري الأوقات
إللي فيها الدعاء مستجاب
وصدقيني ربي بيييسر اموووورك 🌿❤️
استودعتك الله