ههههههههههههههههههههههههههههههههههه
الله يسعدكم يابنات فيه مواقف تموت ضحك
ومواقف تقهر
بس اتحداكم تحدي مواقفكم تتغلب على المواقف اللي نمر فيها انا ومثيلاتي
(اللي نظرهم ضعيف دمار)
وللشرح باللي نظرها ضعيف عشان تتخيلون معي
اذا فسخت النظاره اصير شايفه لون الملابس بدون تمييز لمديلها
اصير شايفه لون البشره بدون تمييز للملامح
يعني لو تموتني تغمزين ولا تتبسمين ما دريت عنك
المهم
بذكر لكم مواقفي انا وصديقاتي
الموقف اللي صار لي ايام ما كنت بالجامعه
يعني عمري 17 كنت ببيت اختي
بنروح عزيمه متجمعين كل خواتي عندها
نتزين ونتمكيج المهم انا كان جديد على التمكيج
توي اصير حرمه اول كثيره روج احط
المهم خلصت اول وحده وكشخت وكل شي
قالت لي اختي اروح انادي ولدها يدخل السياره بالكراج
عشان نركب السياره ونروح
عاد ولد اختي اكبر مني بسنه المهم قالت لي بتلاقينه بالخيمه
عاد انا كاشخه ولابسه الكعب ياله امشي وشايله عباتي بيدي وشنطتي وكل شي
رحت السور وفيه قاسم بين سور الرجال وسور الحريم
فتحت باب القاسم وطليت بشوف فيه احد بالخيمه
عاد انا كاشخه وحاطه ظل وحركات وطبعا ماراح البس النظاره
اخرب الكشخه ولا اطيق العدسات لليوم ما اتعامل معها
المهم طليت اناظر الا اشوف ولد اختي واقف عند باب الخيمه
عاد الخيمه بعيده شوي واطلع من الباب اصير واقفه بالظبط عند الباب
وااشر لولد اختي وهو واقف يناظرني
وانا ااشر له واشر واشر واشر
واقول تعال تعال تعال مافيه فايده
قمت رجعت دخلت مستغربه وش فيه يسفهني؟؟؟
الا وانا داخله هذا ولد اختي رايح للكراج !!!!
انا شفته وقفت بدا مخي يبرمج ط ط ط ط ط
وهو شافني مصنمه جاني قالي وش فيك وانا ساكته
هو حس راح للباب وفتح شاف مالقى احد بالخيمه
قالي اشوى احسب خويي للحين ما طلع وانتي رحتي
وانا ساكته قالي يله البسي عباتك وقولي لهم يجون يركبون
انا جتني الصيحه وضاق صدري بس خايفه على المكياج
واروح ارفع راسي واهوي على عيوني عشان ما تدمع
جتني اختي الثانيه اللي اكبر مني على طول
واستغربت شكلي وخافت وش فيك وش فيك
عاد حكيت لها وقلت لها اني مدري منهو الي قعدت ساعه اقوله تعال
عاد اختي ماتت ضحك وانا عصبت عليها
وطول العزيمه وانا اهوجس اقول وش يفكر فيني الولد الحين
واختي كل ما صارت بلحالها عندي تقولي الولد هج
قال ذي جايتني بعباتهاوتموت ضحك علي
وانا قعدت طول العزيمه زعلانه واختي اذا سألوها الناس
وش فيها فلانه تقول تعبانه عليها الدوره
وش رايكم؟
المرات الجايه بعلمكم عن صديقاتي

طيب شوفوا موقفي

مرة رحت دكتور الاسنان
وما ابغى اكشف وجهي وكنت مغطية بالطرحة
وعند الدكتور كشفت جزء الفم بس والطرحة من النوع اللي يلصق في بعضه
ولما خرجت مريت من عند الرجال وانا مادري عن نفسي الا الوجة نصه مكشوف الانف والفم
واختكم في الله مهووووووووووووووويه
وماشية بكل ثقة وماحسيت بنفسي الا بعدييييين>>>>هههههههههههه

مره جونا ناس من الناس الي فوق جت امي قالت روحي سوي شاهي سويته واعطيتها الشاهي والفناجين رحت عند ابوي عشان اعطيه بدون ماانتبه رحت اعطيته ثلاجة الشاهي فاضيه دخل يصب لرجال لقي الثلاجه فاضيه جاء عندي وقال وين الشاهي قلت ماادري ومره دخلت المجلس عند اخواني وانا توني صاحيه من النوم وكان في يدي فنجان قهوه مااشوف الطريق عين مفتوحه وعين مسكره وكانو اصحابهم موجودين دخلت بعد مااشفت اصحابهم معد قدرت اتحرك من الصدمه النوم راح وجاء الرعب بعدين قال واحد فيهم لأخوي طلع اختك من المجلس جاء اخوي ومسكني من ايدي وطلعني وصلني الين المطبخ وقال لأمي بنتك فشلتنا دخلت بروبها وشعرها على الشباب كأنها مجنونه ولا فنجان القهوه في يدها قامت امي تضحك انا ماعد حسيت بنفسي الابعدين ومره ابوي جاه ضيف مادريت انه موجودفي المجلس حسبته ابوي تدرون وش سويت دخلت ركض ما وقفني الى حضنه كنت مسرعه اصلا اول ماشافني قال بسم الله بغيت اتمسك بالحيته من الخوف كنت وقتها اخر سنه ثانوي

انا صار لي موقف مع ولد اخو زوجي كنت عند اهل زوجي وكلنا مجتمعين خواته وبناتهم واخوانه وعيالهم المهم البنات طلعو السطح ومابقي في البيت غير خوات زوجي وسلفتي الكبيره
, كان ولد اخو زوجي تعبان من ضروسه ويصيح من الالم دخل الصاله مسرع وفاتح فمه على الاخير وجلس عند عمته يقول ضرسي فيه تسوس؟ كلهم قعدو يطالعون فيني ويطالعون فيه وانا تغطيت بشرشف عمتي وكلهم قالو زوجه عمك فلان يادلخ والمسكين مو مستوعب من شده الالم
الولد تفشششل مسكين وما عاد يطالع في وجه عمه من الفشله
عاد زوجي يحرجه قال له والله لو مو ضرسك ملتهب كان تفاهمت معك تدخل على زوجتي يالتعبان !:024:

خخخخخخخخخخخخخخخخخخ
تجنن هالمواقف