دخلت في الخامس وشهيتي مفتوحة بشكل يخوف

نفس الحاله.. من وصلت آخر الرابع.. وقبل الوحام ذابحني ومازدت ولا كيلو.. والحين من اسبوع ماشاء الله احس الشهيه مفتوحه.. والله ايعين على الوزن.. بعدني ماشفت وزني

بس مو معقول لازم يكون فيه حل

نفس الشي من دخلت الخامس

وانا احس ان شهيتي مفتوحه واذا اكلت اكل فاكهه او عنب عشان اتجنب الوزن والا نفسي بالاكلات الدسمه بس خايفه من السمنه

والله انا حالتي مب أحسن من حالتكم نفس الشيء أحس بجوع يذبح مقدر اتحمل بس للأسف وحامي ماراح يعني مب اي شيء أقدر آكله كرهت الروائح حتى روائح الطبيخ مدري وش اسوي بس اللي لاحظته اني من دخلت الرابع والجوع لاعب في معدتي بس علشان اتطمن سألت دكتورتي عن سبب هالجوع المفاجئ فقالت لي ان الجنين قاعد يكبر وهو محتاج انه يتغذى وأي أكل أنا آكله يكون للجنين جزء بسيط منه فمابالج إذا كان أكلي أقل من أكل العصافير لازم الجوع.

بس والله بنات أحسن حل علشان لايزيد وزنكم أكثر انكم تقسمون وجباتكم لخمس وجبات خفيفة أنا هذا الجدول الدكتورة سوته لي بس للأسف مانفع وياي لأن يادوب آكل وجبة وحدة باليوم . وعن وزني أزيد كيلو وفي الزيارة اللي بعدها يقل مرة ثانية مدري ليش؟

وعن الوزن المفترض يزيد من السادس مب من الرابع .
أذكر وحدة تبارك الرحمن مرة كانت كاتبة موضوع زيادة وزنها انها في اول ثلاث اشهر زادت 13 كيلو ولمن سألت دكتورتي إذا عادي هالشيء ضحكت على سؤالي .
قالت لي انتي لاحظي نفسج كم زدتي في خلال اربع اشهر ؟ فقلت لها بس كيلو وبعد مب ثابت ينزل .
قالت لي انتي وزنج طبيعي مقارنة لطولج وعمر الحمل.
والله قعدت تضحك من الخاطر قالت لي هالبنت اللي تقول انها زادت 13 كيلو في 3 أشهرالمفترض
هالـ13 كيلو يكونون متوزعين على 9 أشهر كاملة .

هههه نفس الحاله


المشكله اكل اكل وفي الاخير ما اقدر اتنفس خخخخخخ