دخلت ولدي المستشفى سليم وطلع باسطوانة تنفس !

السلام عليكم ورحمة الله
ولدي كان عنده موعد عملية قلب مفتوح قبل شهر تقريبا ً الحمدالله تمت العمليه بمستشفى الملك فيصل التخصصي عند الدكتور خوقير ومشت العمليه الحمدالله لكن بعدها بيوم صار له التهاب بكتيري بالريه وتجمع سوائل وتعالج بالمضادات بعد ٢١ يوم كل ما شالو الاكسجين ينقص يوصل ل٨٠ ولدي قبل العمليه اكسجينه زين فوق ٩٠ قالو طلعوه وخلوه ع الاكسجين وتعالو مراجعته الجايه نشوفه انا الصدق استغربت كيف صار كذا بذات اشوف واسمع كثير اطفال سوو العمليه ولا احتاجو يطلعون بالاكسجين البيت ؟
خفت يكون صار لولدي خطأ اثناء العمليه واثر ع التنفس سالت كثيير الاطباء كلهم يقولون بنتابع معه ونشوف بدون ما يعطوني سبب لنقص الاكسجين الحاصل بعد العمليه
على ان حالته كانت بسيطه فقط ثقب و شرايين رئويه والجراح يقول بسيطه العمليه باذن الله
انا والله خاايفه مره يصير يستمر معه هالاكسجين بذات انه كبير شوي ومايتركه ولا زم مراقبه وحاله يارب لك الحمد مو اعتراض كتابتي لكم بس لعل احد مر بنفس تجربتي ويفيدني ويطمني بعد الله ولعل احد يمر على موضوعي ويدعي له بالشفاء وجميع مرضى المسلمين فتقبل منه
استودعتكم الله